Ruffle - Flash Emulator
ID
donbcfbmhbcapadipfkeojnmajbakjdcMagpatakbo ng Flash content sa mga website gamit ang isang emulator na nakabatay sa WebAssembly at awtomatikong tumutukoy at pumapalit sa Flash.
Mga screenshot
Paglalarawan
Ibinabalik ang Flash sa web, kung saan ito nararapat.
Dinisenyo para madaling gamitin, pinapagana ng extension na ito ang Flash content nang walang abala at hindi na nangangailangan ng karagdagang pagsasaayos. Tutukuyin ng Ruffle ang lahat ng umiiral na Flash content sa isang website at awtomatikong magbibigay ng kapalit na suporta para mapatakbo ito sa isang Ruffle player. Sa ganitong paraan, maayos at hindi halatang naa-upgrade ang mga website na umaasa pa rin sa Flash content.
Kung may naka-install ding Ruffle sa mga website, ia-upgrade ito ng extension na ito sa pinakabagong bersyon kung kinakailangan. Sa pag-install ng extension na ito, makukuha mo ang mga pinakabagong pag-aayos at pagpapahusay kahit sa mga website na may mas lumang kopya na ng Ruffle, at magkakaroon ka rin ng ilang karagdagang opsyon.
Ang Ruffle ay isang Flash Player emulator na isinulat sa Rust. Gumagana ang Ruffle sa lahat ng makabagong browser sa pamamagitan ng WebAssembly. Gamit ang kaligtasan ng nakahiwalay na kapaligiran ng makabagong browser at ang mga garantiya ng Rust sa ligtas na paggamit ng memorya, may kumpiyansa naming maiiwasan ang lahat ng problemang panseguridad na ikinakilala ng Flash.
Ang Ruffle ay isang ganap na open source na proyekto na pinapanatili ng mga boluntaryo. Lahat kami ay masigasig sa pagpreserba ng kasaysayan ng internet, at nahikayat kaming magtrabaho sa proyektong ito upang makatulong na mapanatili ang maraming website at napakaraming content na hindi na maa-access kapag hindi na mapatakbo ng mga user ang opisyal na Flash Player. Kung nais mong tumulong sa pagsuporta sa proyektong ito, malugod naming tinatanggap ang anumang uri ng ambag — kahit ang paglalaro lang ng ilang lumang laro, pagtingin kung gaano kahusay gumagana ang mga ito, at pagpapaalam sa amin ng anumang problemang makita mo!
Para sa higit pang impormasyon tungkol sa Ruffle, kabilang ang paraan ng pag-uulat ng mga problema, bisitahin ang aming website sa https://ruffle.rs.