Decentraleyes
ID
ldpochfccmkkmhdbclfhpagapcfdljkjBawasan ang pagsubaybay sa pamamagitan ng mga sentralisadong CDN sa pamamagitan ng paghahatid ng mga kasamang lokal na resource at pagdagdag sa proteksiyon ng mga content blocker.
Mga screenshot
Paglalarawan
Pinoprotektahan ka laban sa pagsubaybay sa pamamagitan ng “libre” at sentralisadong paghahatid ng nilalaman.
Pinipigilan nitong makarating ang maraming kahilingan sa mga network gaya ng Google Hosted Libraries, at naghahatid ito ng mga lokal na file upang hindi masira ang paggana ng mga site. Pandagdag ito sa mga karaniwang content blocker.
----------------------------------------------------------------
Lalong umaasa ang mga website sa malalaking third party para sa paghahatid ng nilalaman. Karaniwang walang problema ang pagkansela ng mga kahilingan para sa mga ad o tracker, ngunit gaya ng inaasahan, nakasisira sa paggana ng mga pahina ang pagharang sa mismong nilalaman. Layunin ng add-on na ito na alisin ang tagapamagitan sa pamamagitan ng napakabilis na paghahatid ng mga lokal na file (kasama sa pakete) upang mapahusay ang privacy online.
• Pinoprotektahan ang privacy sa pamamagitan ng pag-iwas sa malalaking network ng paghahatid na nagsasabing nag-aalok sila ng mga libreng serbisyo.
• Pandagdag sa mga karaniwang blocker gaya ng uBlock Origin (inirerekomenda), Adblock Plus, at iba pa.
• Gumagana agad pagkaka-install; talagang walang kinakailangang paunang pag-configure.
Tandaan: Hindi solusyon sa lahat ng problema ang Decentraleyes, pero pinipigilan nito ang maraming website na pagpadalhan ka ng ganitong mga kahilingan. Maaari mo ring itakda ang Decentraleyes na harangin ang mga kahilingan para sa anumang nawawalang resource ng CDN.