સ્ક્રીનશૉટ

વર્ણન

જાહેરાતો અને પૉપ-અપ્સ સામે બેજોડ જાહેરાત અવરોધક એક્સ્ટેન્શન. Facebook, YouTube અને અન્ય બધી વેબસાઇટ્સ પર જાહેરાતોને બ્લૉક કરે છે. AdGuard જાહેરાત અવરોધક બધા વેબ પેજ પર દરેક પ્રકારની જાહેરાતોને અસરકારક રીતે બ્લૉક કરે છે, Facebook, YouTube અને અન્ય સાઇટ્સ પર પણ! AdGuard જાહેરાત અવરોધક શું કરે છે: • બધી જાહેરાતોને બ્લૉક કરે છે: વિડિયો જાહેરાતો (YouTube પરની જાહેરાતોનું અવરોધન પણ સામેલ છે), સમૃદ્ધ મલ્ટિમીડિયાવાળી જાહેરાતો, અનિચ્છનીય પૉપ-અપ્સ, બૅનર્સ અને લખાણવાળી જાહેરાતો (Facebook પરની જાહેરાતોનું અવરોધન પણ સામેલ છે) • જાહેરાતો અને પૉપ-અપ વિન્ડો દૂર થવાથી પેજ વધુ ઝડપથી લોડ થાય છે અને બૅન્ડવિડ્થ બચે છે • તૃતીય પક્ષની સામાન્ય ટ્રૅકિંગ પ્રણાલીઓને બ્લૉક કરીને તમારી ગોપનીયતાનું રક્ષણ કરે છે • સ્પાયવેર, એડવેર અને ડાયલર ઇન્સ્ટૉલ કરનારા ઘણા પ્રોગ્રામને બ્લૉક કરે છે • માલવેર અને ફિશિંગથી તમારું રક્ષણ કરે છે Adblock અથવા Adblock Plus કરતાં AdGuardના શું ફાયદા છે? • AdGuard જાહેરાત અવરોધક ખરેખર ઝડપી અને હલકું છે. તે અન્ય લોકપ્રિય ઉકેલો Adblock અને Adblock Plus કરતાં અડધી મેમરી વાપરે છે, અને કેટલાક પરીક્ષણોમાં uBlock Adblocker કરતાં પણ વધુ સારું પ્રદર્શન કરે છે • AdGuard જાહેરાત અવરોધનને ચકમો આપતી મોટાભાગની સ્ક્રિપ્ટ્સને સંભાળી શકે છે • AdGuardનો દેખાવ વધુ સુંદર અને આધુનિક છે (અમારા મતે) AdGuard જાહેરાત અવરોધક તમારી ગોપનીયતાનું રક્ષણ કેવી રીતે કરી શકે છે? ગોપનીયતાનું રક્ષણ મુખ્ય લક્ષ્યોમાંનું એક છે! ફક્ત AdGuardની સેટિંગ્સમાં "AdGuard ટ્રૅકિંગ સુરક્ષા ફિલ્ટર" ચાલુ કરો. તે ઇન્ટરનેટ પરથી દરેક પ્રકારનું ટ્રૅકિંગ સંપૂર્ણપણે દૂર કરે છે. AdGuard પાસે ટ્રૅકર્સ માટેની સૌથી મોટી ફિલ્ટર યાદીઓમાંની એક છે, જેમાં 10,000થી વધુ નિયમો છે. તે Ghostery® અને Disconnectના ડેટાબેઝ કરતાં પણ મોટી છે. AdGuard વડે સોશિયલ મીડિયાનાં વિજેટ્સ કેવી રીતે દૂર કરવાં? તમે વારંવાર ખોલતા બધા વેબ પેજ પર ભરમાર જોવા મળતાં “લાઇક” બટનો અને એવાં જ વિજેટ્સથી કંટાળી ગયા છો? ફક્ત AdGuardનું "સોશિયલ મીડિયા ફિલ્ટર" ચાલુ કરો અને તેમને ભૂલી જાઓ. AdGuard જાહેરાત અવરોધક ઑનલાઇન જોખમોથી તમારું રક્ષણ કેવી રીતે કરી શકે છે? હાલમાં અમારી પાસે 20,00,000થી વધુ હાનિકારક વેબસાઇટ્સની નોંધ છે. AdGuard માલવેર ફેલાવવા માટે જાણીતા ડોમેનને બ્લૉક કરી શકે છે અને તમારા કમ્પ્યુટરને વાયરસ, ટ્રોજન હોર્સ, વર્મ, સ્પાયવેર અને એડવેરથી સુરક્ષિત રાખે છે. AdGuard ખરેખર વાયરસના ચેપનું જોખમ ઘટાડે છે અને સંભવિત હુમલા અટકાવવા માટે હાનિકારક વેબસાઇટ્સનો ઍક્સેસ રોકે છે. ક્રિપ્ટો-જૅકિંગ સામે રક્ષણ અમે ક્રિપ્ટો-જૅકિંગ પર વ્યાપક સંશોધન કર્યું છે અને તેના પરિણામે AdGuard, CoinHive સહિત, મોટાભાગના જાણીતા ક્રિપ્ટો-જૅકર્સને વિશ્વસનીય રીતે બ્લૉક કરી શકે છે. તમે NoCoin જેવાં કેટલાક ઓપન સોર્સ ફિલ્ટર્સ પણ ઉમેરી શકો છો, જે તમને રક્ષણનું વધારાનું સ્તર આપશે. AdGuardને પરવાનગીઓની જરૂર શા માટે છે? "બધી વેબસાઇટ્સ માટે તમારો ડેટા ઍક્સેસ કરવો" અને "બ્રાઉઝર ટૅબ્સ ઍક્સેસ કરવી": પેજની સામગ્રીના દેખાવમાં દરેક પ્રકારના ફેરફાર કરવા માટે AdGuardને આ બંને પરવાનગીઓ જરૂરી છે. જાહેરાતોને બ્લૉક કરવાની સાદી રીત ફક્ત જાહેરાત સર્વર્સને બ્લૉક કરે છે અને પેજ પર બગડેલા ઘટકો તથા સાઇટની પોતાની જાહેરાતો છોડી દે છે. પેજ સ્વચ્છ અને વ્યવસ્થિત દેખાય તે માટે AdGuard દેખાવ સુધારવાના ખાસ નિયમો લાગુ કરે છે. "નેવિગેશન દરમિયાન બ્રાઉઝરની પ્રવૃત્તિ ઍક્સેસ કરવી": યોગ્ય સમયે નિયમો લાગુ કરવા માટે નેવિગેશનની ઘટનાઓ પર નજર રાખવી જરૂરી છે, અને તે માટે આ પરવાનગી જરૂરી છે. રિલીઝ નોંધો: https://github.com/AdguardTeam/AdguardBrowserExtension/releases મફત અને ઓપન સોર્સ: https://github.com/AdguardTeam/AdguardBrowserExtension