સ્ક્રીનશૉટ

વર્ણન

સનસનાટીભર્યાં નહીં, પણ વર્ણનાત્મક શીર્ષકો અને થંબનેલ મેળવવા સમુદાયનો સહયોગ DeArrow એ YouTube પર વધુ સારા શીર્ષકો અને થંબનેલ મેળવવા સમુદાયનો સહયોગ લેતું બ્રાઉઝર એક્સ્ટેન્શન છે. DeArrow નો હેતુ શીર્ષકો સચોટ બનાવવા અને સનસનાટી ઘટાડવાનો છે. DeArrow એ પૈસા આપીને વાપરી શકાય તેવું (જો તમે ઇચ્છો તો) બ્રાઉઝર એક્સ્ટેન્શન છે. તમે 1$ માં અમર્યાદિત ઉપયોગ માટેની લાઇસન્સ કી ખરીદી શકો છો. જોકે, જો તમે ચૂકવણી કરી શકતા ન હો અથવા કરવા ન ઇચ્છતા હો, તો “હું ચૂકવણી કરી શકતો/કરવા ઇચ્છતો નથી” બટન પર ક્લિક કરીને એક્સ્ટેન્શન વાપરી શકો છો. શીર્ષકોમાં કોઈપણ લખાણ હોઈ શકે છે. થંબનેલ એ વિડિયોના ચોક્કસ સમયબિંદુઓ પરથી લીધેલા સ્ક્રીનશૉટ હોય છે. વપરાશકર્તાઓ આ શીર્ષકો અને થંબનેલ મોકલે છે અને તેમના પર મત આપે છે. ડિફૉલ્ટ રૂપે, જો કોઈએ વિકલ્પો મોકલ્યા ન હોય, તો તે મૂળ શીર્ષકને વપરાશકર્તાએ નક્કી કરેલા સ્વરૂપમાં ગોઠવે છે અને કોઈ રેન્ડમ સમયબિંદુનો સ્ક્રીનશૉટ થંબનેલ તરીકે મૂકે છે. વિકલ્પોમાં આ ગોઠવણી બદલીને શીર્ષકનું સ્વરૂપ બદલવાનું બંધ કરી શકાય છે અથવા ડિફૉલ્ટ રૂપે મૂળ થંબનેલ બતાવી શકાય છે. જો મૂળ થંબનેલ ખરેખર સારું હોય, તો પણ તમે વિકલ્પો મોકલવાના મેનૂમાં તેના માટે મત આપી શકો છો, અને પછી તેને મોકલેલા વિકલ્પની જેમ ગણવામાં આવશે. હવે ક્લિક કરાવતી લાલચ, તીર કે કંટાળાજનક ચહેરાઓ સહન કરવાની જરૂર નથી. વપરાશકર્તાઓ દરેક વિડિયો માટે વધુ સારાં શીર્ષકો અને થંબનેલ મોકલી શકે છે અને તેમના પર મત આપી શકે છે. --- DeArrow, Clickbait Remover for YouTube થી કેવી રીતે અલગ છે - Clickbait Remover થી વિપરીત, DeArrow નો મુખ્ય હેતુ સમુદાયના સહયોગથી વધુ સારાં શીર્ષકો અને થંબનેલ મેળવવાનો છે. - જ્યારે સમુદાયે આપેલું શીર્ષક ઉપલબ્ધ ન હોય, ત્યારે DeArrow તમારી સેટિંગ મુજબ તેને આપમેળે ગોઠવે છે, પરંતુ Clickbait Remover કરતાં વધુ સુવ્યવસ્થિત રીતે કરે છે. બધા શબ્દો માત્ર નાના અક્ષરોમાં કરવા કે દરેક શબ્દનો પહેલો અક્ષર મોટો કરવાને બદલે, DeArrow “શીર્ષક મુજબ મોટા-નાના અક્ષરો” અને “વાક્ય મુજબ મોટા-નાના અક્ષરો” જેવી પદ્ધતિઓને સમર્થન આપે છે. આ પદ્ધતિઓમાં પણ સંક્ષિપ્ત શબ્દો અને ખાસ નામોના મોટા અક્ષરો જળવાઈ રહે છે. - જ્યારે સમુદાયે આપેલું થંબનેલ ઉપલબ્ધ ન હોય, ત્યારે DeArrow ડિફૉલ્ટ રૂપે વિડિયોના રેન્ડમ સમયબિંદુનો સ્ક્રીનશૉટ બતાવે છે. Clickbait Remover ના થંબનેલ YouTube દ્વારા આપમેળે બનાવાયેલા થંબનેલનો ઉપયોગ કરે છે. તે રેન્ડમ લાગતાં હોવા છતાં, મશીન લર્નિંગ અલ્ગોરિધમ તેમને પસંદ કરે છે અને હાવભાવવાળા ચહેરાઓ તથા વધુ પડતું ઉત્તેજન આપતાં અન્ય લક્ષણોને પ્રાધાન્ય આપે છે. DeArrow તેના પોતાના સર્વર દ્વારા બનાવેલા ખરેખર રેન્ડમ સમયબિંદુઓ વાપરે છે. રેન્ડમ થંબનેલ પ્રાયોજકના ભાગમાંથી ન લેવાયું હોય તેની ખાતરી કરવા DeArrow, SponsorBlock ડેટાબેઝ પણ તપાસે છે. --- સોર્સ કોડ: https://github.com/ajayyy/DeArrow પરવાનગીઓ: youtube.com, www.youtube-nocookie.com માટે તમારો ડેટા ઍક્સેસ કરવો: - YouTube વેબપેજમાં ફેરફાર કરવા માટે વપરાય છે