સ્ક્રીનશૉટ

વર્ણન

ઘણી ટૅબ ખુલ્લી હોય ત્યારે બ્રાઉઝરની ઝડપ વધારો અને મેમરી પરનો ભાર ઘટાડો. “Auto Tab Discard” એક હળવું બ્રાઉઝર એક્સ્ટેન્શન છે, જે ખુલ્લી પરંતુ નિષ્ક્રિય ટૅબ દ્વારા વપરાતી મેમરીનું પ્રમાણ આપમેળે ઘટાડે છે. મેમરીમાંથી ઉતારેલી ટૅબમાં JavaScript કોડ અને DOM ઇવેન્ટ બંધ કરીને તે પોર્ટેબલ ઉપકરણોની બૅટરી વધુ સમય ચાલે તે માટે મદદ કરે છે. પૂર્વાવલોકન: https://www.youtube.com/watch?v=ityhxUPp3y8 સૂચના: એક્સ્ટેન્શનના ઇન્ટરફેસમાં બે વિકલ્પો છે: ટૅબને મેમરીમાંથી ઉતારવી અથવા તે સ્થિતિમાંથી પાછી લાવવી (“x” બટન) “Auto Tab Discard”ની સુવિધાઓ: * નિષ્ક્રિય, ઉપયોગમાં ન લેવાતી અથવા ભૂલી ગયેલી ટૅબને આપમેળે અથવા જાતે મેમરીમાંથી ઉતારીને બ્રાઉઝરનું પ્રદર્શન સુધારે છે અને મેમરીનો ઉપયોગ ઘટાડે છે. * હોસ્ટનામ અથવા રેગ્યુલર એક્સપ્રેશનની સૂચિ આપે છે, જેને મેમરીમાંથી આપમેળે ઉતારવાની પ્રક્રિયામાંથી બાકાત રાખી શકાય છે. * બ્રાઉઝર બંધ કરીને ફરી ખોલવામાં આવે ત્યારે ટૅબની મેમરીમાંથી ઉતારેલી સ્થિતિ જાળવે છે. * સાઇટના આઇકન અથવા શીર્ષક દ્વારા ટૅબની મેમરીમાંથી ઉતારેલી સ્થિતિ દર્શાવે છે. * ટૅબને મેમરીમાંથી ઉતારેલી સ્થિતિમાંથી પાછી લાવ્યા પછી, સ્ક્રોલનું સ્થાન અને ટેક્સ્ટ બૉક્સની સામગ્રી સહિત ટૅબની સ્થિતિ પુનઃસ્થાપિત કરે છે. * નિર્દિષ્ટ હોસ્ટનામની ટૅબને ફરજિયાત મેમરીમાંથી ઉતારવાની મંજૂરી આપે છે. ટૅબને મેમરીમાંથી ઉતારવી કે નહીં તે ગોઠવવાના વિકલ્પોમાં આનો સમાવેશ થાય છે: * પિન કરેલી ટૅબ * મીડિયા ચલાવતી ટૅબ * વીજળીના સ્ત્રોતની હાજરી * ટૅબમાં સાચવ્યા વગરની સામગ્રી અથવા વપરાશકર્તાએ દાખલ કરેલી માહિતી “Auto Tab Discard” માટે ઉપલબ્ધ પ્લગઇન: * આગલી અથવા પાછલી ટૅબને મેમરીમાંથી ઉતારેલી સ્થિતિમાંથી પાછી લાવવી. * સક્રિય વિન્ડોની બધી ટૅબને મેમરીમાંથી ઉતારેલી સ્થિતિમાંથી પાછી લાવવી. * નવી ખોલેલી બધી નિષ્ક્રિય ટૅબને આપમેળે મેમરીમાંથી ઉતારવી. * ટૅબને મેમરીમાંથી ઉતારતાં પહેલાં YouTubeનો ટાઇમસ્ટેમ્પ સાચવવો. * મેમરીમાંથી ઉતારેલી, નિષ્ક્રિય જૂની ટૅબને કાયમ માટે કાઢી નાખવી (દૂર કરવી). નોંધ: * “The Great Suspender” એક્સ્ટેન્શનથી વિપરીત, આ એક્સ્ટેન્શન ટૅબને મેમરીમાંથી ઉતારવા માટે બ્રાઉઝરની મૂળ પદ્ધતિ વાપરે છે. એટલે કે, એક્સ્ટેન્શન દૂર કરવામાં આવે અથવા બ્રાઉઝર ક્રૅશ થાય તો પણ તમારું બ્રાઉઝર તમારા માટે બધું આપમેળે પુનઃસ્થાપિત કરશે. ગોપનીયતા નીતિ: https://webextension.org/privacy-policy/extension/tab-discard.html