ಸ್ಕ್ರೀನ್‌ಶಾಟ್‌ಗಳು

ವಿವರಣೆ

ಸಂವೇದನೆಯನ್ನು ಹುಟ್ಟುಹಾಕದೆ ವಿಷಯವನ್ನು ವಿವರಿಸುವ ಶೀರ್ಷಿಕೆಗಳು ಮತ್ತು ಥಂಬ್‌ನೇಲ್‌ಗಳನ್ನು ಸಮುದಾಯದ ಸಹಯೋಗದಿಂದ ಸಂಗ್ರಹಿಸುವುದು DeArrow ಎಂಬುದು YouTube ನಲ್ಲಿ ಉತ್ತಮ ಶೀರ್ಷಿಕೆಗಳು ಮತ್ತು ಥಂಬ್‌ನೇಲ್‌ಗಳನ್ನು ಸಮುದಾಯದ ಸಹಯೋಗದಿಂದ ಸಂಗ್ರಹಿಸುವ ಬ್ರೌಸರ್ ವಿಸ್ತರಣೆಯಾಗಿದೆ. ಶೀರ್ಷಿಕೆಗಳನ್ನು ನಿಖರವಾಗಿಸುವುದು ಮತ್ತು ಅತಿರಂಜಿತ ಪ್ರಸ್ತುತಿಯನ್ನು ಕಡಿಮೆ ಮಾಡುವುದು DeArrow ನ ಉದ್ದೇಶವಾಗಿದೆ. DeArrow ಒಂದು ಪಾವತಿಸಬಹುದಾದ (ನೀವು ಬಯಸಿದರೆ) ಬ್ರೌಸರ್ ವಿಸ್ತರಣೆಯಾಗಿದೆ. ಅನಿಯಮಿತ ಬಳಕೆಗಾಗಿ ನೀವು 1$ ಗೆ ಪರವಾನಗಿ ಕೀಯನ್ನು ಖರೀದಿಸಬಹುದು. ಆದರೆ ನಿಮಗೆ ಪಾವತಿಸಲು ಸಾಧ್ಯವಿಲ್ಲದಿದ್ದರೆ ಅಥವಾ ಪಾವತಿಸಲು ಇಷ್ಟವಿಲ್ಲದಿದ್ದರೆ, “ನನಗೆ ಪಾವತಿಸಲು ಸಾಧ್ಯವಿಲ್ಲ/ಇಷ್ಟವಿಲ್ಲ” ಬಟನ್ ಕ್ಲಿಕ್ ಮಾಡುವ ಮೂಲಕ ವಿಸ್ತರಣೆಯನ್ನು ಬಳಸಬಹುದು. ಶೀರ್ಷಿಕೆಗಳು ಯಾವುದೇ ಪಠ್ಯವಾಗಿರಬಹುದು. ಥಂಬ್‌ನೇಲ್‌ಗಳು ವೀಡಿಯೊದ ನಿರ್ದಿಷ್ಟ ಸಮಯಬಿಂದುಗಳಲ್ಲಿ ತೆಗೆದ ಸ್ಕ್ರೀನ್‌ಶಾಟ್‌ಗಳಾಗಿವೆ. ಬಳಕೆದಾರರು ಇವುಗಳನ್ನು ಸಲ್ಲಿಸುತ್ತಾರೆ ಮತ್ತು ಇವುಗಳಿಗೆ ಮತ ಹಾಕುತ್ತಾರೆ. ಪೂರ್ವನಿಯೋಜಿತವಾಗಿ, ಯಾವುದೇ ಸಲ್ಲಿಕೆಗಳಿಲ್ಲದಿದ್ದರೆ, ಇದು ಮೂಲ ಶೀರ್ಷಿಕೆಯನ್ನು ಬಳಕೆದಾರರು ನಿಗದಿಪಡಿಸಿದ ಸ್ವರೂಪಕ್ಕೆ ಬದಲಾಯಿಸುತ್ತದೆ ಮತ್ತು ಯಾದೃಚ್ಛಿಕ ಸಮಯಬಿಂದುವಿನ ಸ್ಕ್ರೀನ್‌ಶಾಟ್ ಅನ್ನು ಥಂಬ್‌ನೇಲ್ ಆಗಿ ಹೊಂದಿಸುತ್ತದೆ. ಸ್ವರೂಪ ಬದಲಾವಣೆಯನ್ನು ನಿಷ್ಕ್ರಿಯಗೊಳಿಸಲು ಅಥವಾ ಪೂರ್ವನಿಯೋಜಿತವಾಗಿ ಮೂಲ ಥಂಬ್‌ನೇಲ್ ತೋರಿಸಲು ಆಯ್ಕೆಗಳಲ್ಲಿ ಇದನ್ನು ಹೊಂದಿಸಬಹುದು. ಮೂಲ ಥಂಬ್‌ನೇಲ್ ನಿಜವಾಗಿಯೂ ಉತ್ತಮವಾಗಿದ್ದರೆ, ಸಲ್ಲಿಕೆ ಮೆನುವಿನಲ್ಲಿ ಅದಕ್ಕೂ ನೀವು ಮತ ಹಾಕಬಹುದು. ನಂತರ ಅದನ್ನು ಸಲ್ಲಿಸಿದ ಆಯ್ಕೆಯಂತೆ ಪರಿಗಣಿಸಲಾಗುತ್ತದೆ. ಇನ್ನು ಕ್ಲಿಕ್ ಸೆಳೆಯುವ ಆಮಿಷಗಳು, ಬಾಣಗಳು ಅಥವಾ ಕಿರಿಕಿರಿಗೊಳಿಸುವ ಮುಖಗಳನ್ನು ಸಹಿಸಬೇಕಿಲ್ಲ. ಬಳಕೆದಾರರು ಪ್ರತಿ ವೀಡಿಯೊಗೆ ಉತ್ತಮ ಶೀರ್ಷಿಕೆಗಳು ಮತ್ತು ಥಂಬ್‌ನೇಲ್‌ಗಳನ್ನು ಸಲ್ಲಿಸಬಹುದು ಮತ್ತು ಅವುಗಳಿಗೆ ಮತ ಹಾಕಬಹುದು. --- DeArrow, Clickbait Remover for YouTube ಗಿಂತ ಹೇಗೆ ಭಿನ್ನವಾಗಿದೆ - Clickbait Remover ಗಿಂತ ಭಿನ್ನವಾಗಿ, ಉತ್ತಮ ಶೀರ್ಷಿಕೆಗಳು ಮತ್ತು ಥಂಬ್‌ನೇಲ್‌ಗಳನ್ನು ಸಮುದಾಯದ ಸಹಯೋಗದಿಂದ ಸಂಗ್ರಹಿಸುವುದು DeArrow ನ ಮುಖ್ಯ ಉದ್ದೇಶವಾಗಿದೆ. - ಸಮುದಾಯ ಸಲ್ಲಿಸಿದ ಶೀರ್ಷಿಕೆ ಲಭ್ಯವಿಲ್ಲದಿದ್ದಾಗ, DeArrow ನಿಮ್ಮ ಸೆಟ್ಟಿಂಗ್‌ಗೆ ಅನುಗುಣವಾಗಿ ಅದರ ಸ್ವರೂಪವನ್ನು ಸ್ವಯಂಚಾಲಿತವಾಗಿ ಬದಲಾಯಿಸುತ್ತದೆ, ಆದರೆ Clickbait Remover ಗಿಂತ ಹೆಚ್ಚು ಸೂಕ್ಷ್ಮವಾಗಿ ಮಾಡುತ್ತದೆ. ಎಲ್ಲ ಪದಗಳನ್ನು ಸಣ್ಣಕ್ಷರಗಳಿಗೆ ಬದಲಾಯಿಸುವುದು ಅಥವಾ ಪ್ರತಿಯೊಂದು ಪದವನ್ನು ದೊಡ್ಡಕ್ಷರದಿಂದ ಪ್ರಾರಂಭಿಸುವುದಕ್ಕೆ ಸೀಮಿತವಾಗದೆ, DeArrow “ಶೀರ್ಷಿಕೆಯ ಶೈಲಿಯ ದೊಡ್ಡಕ್ಷರ ಬಳಕೆ” ಮತ್ತು “ವಾಕ್ಯದ ಶೈಲಿಯ ದೊಡ್ಡಕ್ಷರ ಬಳಕೆ” ಮುಂತಾದ ಪದ್ಧತಿಗಳನ್ನು ಬೆಂಬಲಿಸುತ್ತದೆ. ಇವುಗಳಲ್ಲಿಯೂ ಸಂಕ್ಷಿಪ್ತ ರೂಪಗಳು ಮತ್ತು ವ್ಯಕ್ತಿವಾಚಕ ಹೆಸರುಗಳು ತಮ್ಮ ದೊಡ್ಡಕ್ಷರಗಳನ್ನು ಉಳಿಸಿಕೊಳ್ಳಬಹುದು. - ಸಮುದಾಯ ಸಲ್ಲಿಸಿದ ಥಂಬ್‌ನೇಲ್ ಲಭ್ಯವಿಲ್ಲದಿದ್ದಾಗ, DeArrow ಪೂರ್ವನಿಯೋಜಿತವಾಗಿ ವೀಡಿಯೊದ ಯಾದೃಚ್ಛಿಕ ಸಮಯಬಿಂದುವಿನ ಸ್ಕ್ರೀನ್‌ಶಾಟ್ ತೋರಿಸುತ್ತದೆ. Clickbait Remover ನ ಥಂಬ್‌ನೇಲ್‌ಗಳು YouTube ಸ್ವಯಂಚಾಲಿತವಾಗಿ ರಚಿಸಿದ ಥಂಬ್‌ನೇಲ್‌ಗಳನ್ನು ಬಳಸುತ್ತವೆ. ಅವು ಯಾದೃಚ್ಛಿಕವೆನಿಸಿದರೂ, ಮುಖಭಾವಗಳನ್ನು ಹೊಂದಿರುವ ಮುಖಗಳು ಮತ್ತು ಅತಿಯಾಗಿ ಪ್ರಚೋದಿಸುವ ಇತರ ಲಕ್ಷಣಗಳಿಗೆ ಆದ್ಯತೆ ನೀಡುವ ಯಂತ್ರ ಕಲಿಕೆಯ ಅಲ್ಗಾರಿದಮ್ ಅವುಗಳನ್ನು ಆಯ್ಕೆಮಾಡುತ್ತದೆ. DeArrow ತನ್ನದೇ ಸರ್ವರ್ ರಚಿಸಿದ ನಿಜವಾಗಿಯೂ ಯಾದೃಚ್ಛಿಕ ಸಮಯಬಿಂದುಗಳನ್ನು ಬಳಸುತ್ತದೆ. ಯಾದೃಚ್ಛಿಕ ಥಂಬ್‌ನೇಲ್ ಪ್ರಾಯೋಜಕರ ವಿಭಾಗದೊಳಗೆ ಇಲ್ಲ ಎಂಬುದನ್ನು ಖಚಿತಪಡಿಸಲು DeArrow, SponsorBlock ಡೇಟಾಬೇಸ್ ಅನ್ನು ಸಹ ಪರಿಶೀಲಿಸುತ್ತದೆ. --- ಮೂಲ ಕೋಡ್: https://github.com/ajayyy/DeArrow ಅನುಮತಿಗಳು: youtube.com, www.youtube-nocookie.com ಗಾಗಿ ನಿಮ್ಮ ಡೇಟಾವನ್ನು ಪ್ರವೇಶಿಸುವುದು: - YouTube ವೆಬ್‌ಪುಟವನ್ನು ಮಾರ್ಪಡಿಸಲು ಬಳಸಲಾಗುತ್ತದೆ