സ്ക്രീൻഷോട്ടുകൾ

വിവരണം

ടെക്സ്റ്റ് ടു സ്പീച്ച് (TTS) ഉപയോഗിച്ച് നിലവിലെ വെബ്‌പേജിലെ ലേഖനം ഒറ്റ ക്ലിക്കിൽ ഉറക്കെ വായിക്കുക. 40-ലധികം ഭാഷകൾ പിന്തുണയ്ക്കുന്നു. Read Aloud വെബ്‌പേജിലെ എഴുത്ത് ശബ്ദമാക്കി മാറ്റാൻ ടെക്സ്റ്റ് ടു സ്പീച്ച് (TTS) സാങ്കേതികവിദ്യ ഉപയോഗിക്കുന്നു. വാർത്താ സൈറ്റുകൾ, ബ്ലോഗുകൾ, ആരാധകർ എഴുതുന്ന കഥകൾ, പ്രസിദ്ധീകരണങ്ങൾ, പാഠപുസ്തകങ്ങൾ, സ്കൂൾ പഠനസാമഗ്രികൾ, കോഴ്സ് പഠനസാമഗ്രികൾ എന്നിവ ഉൾപ്പെടുന്ന വിവിധ വെബ്‌സൈറ്റുകളിൽ ഇത് പ്രവർത്തിക്കുന്നു. വായിക്കാൻ പഠിക്കുന്ന കുട്ടികളും ഡിസ്ലെക്സിയയോ മറ്റ് പഠനവൈകല്യങ്ങളോ ഉള്ളവരും ഉൾപ്പെടെ, ഉള്ളടക്കം വായിക്കുന്നതിനുപകരം കേൾക്കാൻ ഇഷ്ടപ്പെടുന്ന ഉപയോക്താക്കളെ Read Aloud സഹായിക്കുന്നു. ബ്രൗസർ തന്നെ നൽകുന്ന ശബ്ദങ്ങളും Google Wavenet, Amazon Polly, IBM Watson, Microsoft Azure, OpenAI തുടങ്ങിയ ക്ലൗഡ് സേവനദാതാക്കളുടെ AI ശബ്ദങ്ങളും ഉൾപ്പെടെ വിവിധ ടെക്സ്റ്റ് ടു സ്പീച്ച് ശബ്ദങ്ങളിൽ നിന്ന് തിരഞ്ഞെടുക്കാൻ Read Aloud നിങ്ങളെ അനുവദിക്കുന്നു. ക്ലൗഡ് അധിഷ്ഠിത ശബ്ദങ്ങൾ പ്രവർത്തനക്ഷമമാക്കാൻ ആപ്പിനുള്ളിൽ അധികമായി വാങ്ങുകയോ നിങ്ങളുടെ സ്വന്തം API കീ നൽകുകയോ ചെയ്യേണ്ടിവന്നേക്കാം. Read Aloud-ന് PDF, Google Docs, Google Play പുസ്തകങ്ങൾ, Amazon Kindle, EPUB എന്നിവ വായിക്കാനാകും (EPUB വായിക്കുന്നത് epubread.com-ൽ നിന്നുള്ള മികച്ച EPUBReader വിപുലീകരണം വഴിയാണ്). Read Aloud ഉപയോഗിക്കാൻ, വായിക്കേണ്ട വെബ്‌പേജിലേക്ക് പോയി ബ്രൗസർ മെനുവിലെ Read Aloud ഐക്കണിൽ ക്ലിക്ക് ചെയ്യുക. വിപുലീകരണം സജീവമാക്കാൻ ALT-P, ALT-O, ALT-Comma, ALT-Period എന്നീ കുറുക്കുവഴി കീകളും ഉപയോഗിക്കാം. ഏതെങ്കിലും എഴുത്ത് തിരഞ്ഞെടുത്തിട്ടുണ്ടെങ്കിൽ, തിരഞ്ഞെടുത്ത എഴുത്ത് മാത്രമേ Read Aloud വായിക്കൂ. കൂടാതെ, തിരഞ്ഞെടുത്ത എഴുത്തിൽ വലത് ക്ലിക്ക് ചെയ്ത് സന്ദർഭ മെനുവിൽ നിന്ന് Read Aloud ആരംഭിക്കാം. ശബ്ദം, വായനാവേഗം, ശബ്ദത്തിന്റെ ഉയർച്ച എന്നിവ മാറ്റാനോ വായിക്കുന്ന എഴുത്ത് എടുത്തുകാണിക്കുന്നത് പ്രവർത്തനക്ഷമമാക്കാനോ, വിപുലീകരണത്തിന്റെ പോപ്പപ്പിലെ ഗിയർ ബട്ടൺ വഴി ഓപ്ഷനുകൾ പേജിലേക്ക് പോകുക (ഗിയർ ബട്ടൺ കാണാൻ പ്ലേബാക്ക് നിർത്തേണ്ടതുണ്ട്). വിപുലീകരണത്തിന്റെ ഐക്കണിൽ വലത് ക്ലിക്ക് ചെയ്ത് സന്ദർഭ മെനുവിൽ നിന്നും ഓപ്ഷനുകൾ പേജ് തുറക്കാം. പോപ്പപ്പ് ജാലകത്തിന്റെ വലുപ്പവും അക്ഷരങ്ങളുടെ വലുപ്പവും കൂട്ടാനും കുറയ്ക്കാനും, ഇരുണ്ട മോഡ് ഓണാക്കാനും ഓഫാക്കാനും വിപുലീകരണത്തിന്റെ പോപ്പപ്പിൽ ബട്ടണുകളുണ്ട്. Read Aloud ഒരു ഓപ്പൺ സോഴ്സ് പദ്ധതിയാണ്. പിശകുകൾക്കുള്ള പരിഹാരങ്ങളോ വിവർത്തനങ്ങളോ സംഭാവന ചെയ്യാൻ ആഗ്രഹിക്കുന്നുവെങ്കിൽ, https://github.com/ken107/read-aloud എന്ന GitHub പേജ് സന്ദർശിക്കുക.