Bark for Chrome
ID
jcocgejjjlnfddlhpbecfapicaajdibbസുരക്ഷയെ ബാധിക്കാവുന്ന പ്രശ്നങ്ങൾ കണ്ടെത്താൻ കുട്ടിയുടെ Chrome ബ്രൗസിങ്ങും ബന്ധിപ്പിച്ച അക്കൗണ്ടുകളും നിരീക്ഷിച്ച് മാതാപിതാക്കളെ അറിയിക്കുക.
സ്ക്രീൻഷോട്ടുകൾ
വിവരണം
അനുചിതമായ ഉള്ളടക്കം കണ്ടെത്താൻ Chrome വെബ് ബ്രൗസിങ് നിരീക്ഷിക്കുക.
അനുചിതമായ ഉള്ളടക്കത്തിൽനിന്ന് കുട്ടിയെ സംരക്ഷിക്കാൻ സഹായിക്കുന്നതിനായി കുട്ടിയുടെ Chrome ബ്രൗസറിൽ Bark for Chrome ഇൻസ്റ്റാൾ ചെയ്യുന്നു.
നിങ്ങളുടെ കുട്ടിയുടെ സന്ദേശങ്ങൾ വായിക്കാൻ നിങ്ങൾ മണിക്കൂറുകൾ ചെലവഴിക്കാതെതന്നെ, ഓൺലൈൻ പീഡനം, ലൈംഗിക ഉള്ളടക്കമുള്ള സന്ദേശങ്ങൾ, വിഷാദത്തിന്റെ ലക്ഷണങ്ങൾ അല്ലെങ്കിൽ ആത്മഹത്യാചിന്തകൾ എന്നിവയും മറ്റു പല പ്രശ്നങ്ങളും അടങ്ങിയ സന്ദേശങ്ങൾ Bark കണ്ടെത്തുന്നു.
ഇമെയിൽ, ടെക്സ്റ്റ് മെസേജിങ് എന്നിവയ്ക്കൊപ്പം ഡസൻകണക്കിന് ജനപ്രിയ സോഷ്യൽ മീഡിയ പ്ലാറ്റ്ഫോമുകളെയും Bark പിന്തുണയ്ക്കുന്നു.
ഓൺലൈനിൽ മറ്റുള്ളവരുമായി ഇടപഴകാൻ കുട്ടികൾ ചെലവഴിക്കുന്ന സമയം വർധിച്ചുവരികയാണ്. നിർഭാഗ്യവശാൽ, പുതിയ സാങ്കേതികവിദ്യ പുതിയ അപകടസാധ്യതകൾ സൃഷ്ടിക്കുന്നു. കുട്ടികളുടെ സോഷ്യൽ മീഡിയ ഫീഡ് അരിച്ചുപെറുക്കുകയോ ഇടയ്ക്കിടെ അവരുടെ ഫോൺ എടുത്ത് സന്ദേശങ്ങൾ സ്ക്രോൾ ചെയ്ത് നോക്കുകയോ ചെയ്യാതെ, അവരെ ഓൺലൈനിൽ സുരക്ഷിതരായി നിലനിർത്താൻ സഹായിക്കുന്ന കൂടുതൽ കാര്യക്ഷമമായ ഒരു പരിഹാരം മാതാപിതാക്കൾക്ക് ആവശ്യമാണ്.
നിങ്ങളുടെ കുട്ടികളുടെ അക്കൗണ്ടുകൾ നിങ്ങൾ ബന്ധിപ്പിക്കുന്നു; പ്രശ്നമുണ്ടാകാൻ സാധ്യതയുള്ളപ്പോൾ ഞങ്ങൾ നിങ്ങളെ അറിയിക്കുന്നു. ഇന്റർനെറ്റ് സുരക്ഷയെക്കുറിച്ച് നിങ്ങളുടെ കുടുംബത്തിൽ വിശ്വാസവും തുറന്ന സംഭാഷണവും വളർത്തിയെടുക്കാൻ ഈ സമീപനം സഹായിക്കുന്നു.
ഉപയോക്താക്കളുടെ അനുഭവങ്ങൾ:
"എനിക്കും ഭാര്യക്കും Bark വളരെ ഇഷ്ടമാണ് - ഞങ്ങളുടെ 13 വയസ്സുള്ള മകനുമായി ബുദ്ധിമുട്ടേറിയതെങ്കിലും ഫലപ്രദമായ ചില സംഭാഷണങ്ങൾ നടത്താൻ ഞങ്ങൾക്ക് കഴിഞ്ഞു. ഇത് അങ്ങേയറ്റം പ്രയോജനകരമാണെന്ന് തെളിഞ്ഞുകൊണ്ടിരിക്കുന്നു." - Josh L.
"എന്റെ മകൾ ഇട്ട ഒരു സോഷ്യൽ മീഡിയ പോസ്റ്റിനെക്കുറിച്ച് Bark ഞങ്ങളെ അറിയിച്ചു. താൻ പറഞ്ഞ സ്ഥലത്തല്ല അവൾ ഉണ്ടായിരുന്നതെന്നും, അവൾ ഓടിക്കുന്ന ഞങ്ങളുടെ വാഹനത്തിൽ അവളുടെയും സുഹൃത്തുക്കളുടെയും കൈവശം നിയമവിരുദ്ധ മയക്കുമരുന്നുകൾ ഉണ്ടായിരുന്നെന്നും ആ പോസ്റ്റ് സൂചിപ്പിച്ചു. ഈ വിവരം ലഭിച്ചതിനാൽ, അന്ന് രാത്രിയിലെ പ്രവർത്തനങ്ങളെക്കുറിച്ച് അവളോട് ചോദിക്കാനും, മയക്കുമരുന്നുകൾ ഒരു സുഹൃത്തിന്റേതാണെങ്കിൽപ്പോലും അവ കാറിൽ സൂക്ഷിക്കുന്നതിന്റെ അപകടസാധ്യതകളെക്കുറിച്ച് അവളോട് സംസാരിക്കാനും ഞങ്ങൾക്ക് കഴിഞ്ഞു. അത് ബുദ്ധിമുട്ടേറിയ ഒരു സംഭാഷണമായിരുന്നെങ്കിലും, ഇനിയും പരിഹരിക്കേണ്ട പ്രശ്നങ്ങൾ ഉണ്ടെങ്കിലും, നടപടിയെടുക്കാൻ കഴിയുന്ന വിധത്തിൽ ആ സന്ദേശങ്ങളെക്കുറിച്ച് Bark ഞങ്ങളെ അറിയിച്ചതിൽ എനിക്ക് നന്ദിയുണ്ട്." - Trent
"എന്റെ ചെറിയ മകൾ താൻ അറിയാതെ Twitter-ൽ അപരിചിതർക്ക് തന്റെ ഫോൺ നമ്പർ വെളിപ്പെടുത്തിയെന്ന് Bark എന്നെ അറിയിച്ചു. bark.us തത്സമയം എന്നെ അറിയിച്ചത് ശ്രദ്ധേയമായിരുന്നു; അതേ ദിവസംതന്നെ അവളുമായി കാര്യങ്ങൾ മനസ്സിലാക്കിക്കൊടുക്കുന്ന ഒരു ചർച്ച നടത്താൻ അത് വഴിയൊരുക്കി." - Jon B.
"ഞങ്ങൾക്ക് ഒന്നുരണ്ട് അറിയിപ്പുകൾ ലഭിച്ചു, അവയ്ക്ക് ഞങ്ങൾ നന്ദിയുള്ളവരായിരുന്നു. അത് ഞങ്ങളുടെ മകനുമായി തുറന്ന് സംസാരിക്കാൻ വഴിയൊരുക്കി; അത് വളരെ നല്ലതായിരുന്നു." - Nicci C.
"നന്ദി പറയണമെന്ന് എനിക്ക് തോന്നി. ഒരു രക്ഷിതാവ് എന്ന നിലയിൽ Bark എനിക്ക് ശരിക്കും കുറച്ച് മനസ്സമാധാനം നൽകുന്നു; ഞാൻ നൽകുന്ന അധിക സ്വകാര്യതയെ എന്റെ കുട്ടികളും വിലമതിക്കുന്നു." - Ray F.