സ്ക്രീൻഷോട്ടുകൾ

വിവരണം

വീട്ടിലോ ജോലിസ്ഥലത്തോ യാത്രയിലോ ആയാലും, നിങ്ങളുടെ എല്ലാ പാസ്‌വേഡുകളും പാസ്‌കീകളും സ്വകാര്യമായി സൂക്ഷിക്കേണ്ട വിവരങ്ങളും Bitwarden എളുപ്പത്തിൽ സുരക്ഷിതമാക്കുന്നു PCMag, WIRED, The Verge, CNET, G2 എന്നിവയും മറ്റും ഏറ്റവും മികച്ച പാസ്‌വേഡ് മാനേജറായി അംഗീകരിച്ചത്! നിങ്ങളുടെ ഡിജിറ്റൽ ജീവിതം സുരക്ഷിതമാക്കുക ഓരോ അക്കൗണ്ടിനും തനതായ, ശക്തമായ പാസ്‌വേഡുകൾ സൃഷ്ടിച്ച് സൂക്ഷിക്കുന്നതിലൂടെ നിങ്ങളുടെ ഡിജിറ്റൽ ജീവിതം സുരക്ഷിതമാക്കുകയും ഡാറ്റാ ചോർച്ചകളിൽനിന്ന് സംരക്ഷണം നേടുകയും ചെയ്യുക. നിങ്ങൾക്ക് മാത്രം പ്രവേശിക്കാനാകുന്ന, എൻഡ്-ടു-എൻഡ് എൻക്രിപ്ഷനുള്ള ഒരു പാസ്‌വേഡ് വോൾട്ടിൽ എല്ലാം സൂക്ഷിക്കുക. എവിടെനിന്നും എപ്പോൾ വേണമെങ്കിലും ഏത് ഉപകരണത്തിലും നിങ്ങളുടെ ഡാറ്റ ആക്‌സസ് ചെയ്യുക നിയന്ത്രണങ്ങളില്ലാതെ, പരിധിയില്ലാത്ത എണ്ണം ഉപകരണങ്ങളിലുടനീളം പരിധിയില്ലാത്ത എണ്ണം പാസ്‌വേഡുകൾ എളുപ്പത്തിൽ കൈകാര്യം ചെയ്യുക, സൂക്ഷിക്കുക, സുരക്ഷിതമാക്കുക, പങ്കിടുക. ഓൺലൈനിൽ സുരക്ഷിതരായിരിക്കാൻ വേണ്ട ഉപകരണങ്ങൾ എല്ലാവർക്കും ലഭിക്കണം പരസ്യങ്ങളോ ഡാറ്റ വിൽക്കലോ ഇല്ലാതെ Bitwarden സൗജന്യമായി ഉപയോഗിക്കുക. ഓൺലൈനിൽ സുരക്ഷിതരായിരിക്കാൻ എല്ലാവർക്കും കഴിയണമെന്ന് Bitwarden വിശ്വസിക്കുന്നു. Premium പ്ലാനുകൾ വിപുലമായ ഫീച്ചറുകളിലേക്ക് പ്രവേശനം നൽകുന്നു. BITWARDEN ഉപയോഗിച്ച് നിങ്ങളുടെ ടീമുകൾക്ക് കൂടുതൽ കരുത്തേകുക Teams, Enterprise പ്ലാനുകളിൽ പ്രൊഫഷണൽ ബിസിനസ് ഫീച്ചറുകൾ ഉൾപ്പെടുന്നു. SSO സംയോജനം, സ്വന്തം സംവിധാനത്തിൽ ഹോസ്റ്റ് ചെയ്യൽ, ഡയറക്ടറി സംയോജനവും SCIM വഴിയുള്ള അക്കൗണ്ട് സജ്ജീകരണവും, സ്ഥാപനമൊട്ടാകെയുള്ള നയങ്ങൾ, API ആക്‌സസ്, ഇവന്റ് ലോഗുകൾ എന്നിവയും മറ്റും ചില ഉദാഹരണങ്ങളാണ്. നിങ്ങളുടെ ജീവനക്കാരെ സുരക്ഷിതരാക്കാനും സഹപ്രവർത്തകരുമായി സ്വകാര്യമായി സൂക്ഷിക്കേണ്ട വിവരങ്ങൾ പങ്കിടാനും Bitwarden ഉപയോഗിക്കുക. Bitwarden തിരഞ്ഞെടുക്കാനുള്ള കൂടുതൽ കാരണങ്ങൾ: ലോകോത്തര എൻക്രിപ്ഷൻ നിങ്ങളുടെ ഡാറ്റ സുരക്ഷിതവും സ്വകാര്യവുമായി നിലനിർത്താൻ, വിപുലമായ എൻഡ്-ടു-എൻഡ് എൻക്രിപ്ഷൻ (AES-256 bit, സോൾട്ട് ചേർത്ത ഹാഷിംഗ്, PBKDF2 SHA-256) ഉപയോഗിച്ച് പാസ്‌വേഡുകൾ സംരക്ഷിക്കുന്നു. സ്വതന്ത്ര മൂന്നാം കക്ഷികളുടെ ഓഡിറ്റുകൾ പ്രശസ്ത സുരക്ഷാ സ്ഥാപനങ്ങളുമായി ചേർന്ന് Bitwarden പതിവായി സമഗ്രമായ സ്വതന്ത്ര സുരക്ഷാ ഓഡിറ്റുകൾ നടത്തുന്നു. ഈ വാർഷിക ഓഡിറ്റുകളിൽ സോഴ്‌സ് കോഡിന്റെ വിലയിരുത്തലുകളും Bitwarden-ന്റെ IP വിലാസങ്ങൾ, സെർവറുകൾ, വെബ് ആപ്ലിക്കേഷനുകൾ എന്നിവയിൽ നുഴഞ്ഞുകയറ്റ പരിശോധനകളും ഉൾപ്പെടുന്നു. വിപുലമായ 2FA ഒരു മൂന്നാം കക്ഷി ഓതന്റിക്കേറ്റർ, ഇമെയിലിൽ ലഭിക്കുന്ന കോഡുകൾ, അല്ലെങ്കിൽ ഹാർഡ്‌വെയർ സുരക്ഷാ കീ അഥവാ പാസ്‌കീ പോലുള്ള FIDO2 WebAuthn തിരിച്ചറിയൽ രേഖകൾ എന്നിവ ഉപയോഗിച്ച് നിങ്ങളുടെ ലോഗിൻ സുരക്ഷിതമാക്കുക. Bitwarden Send എൻഡ്-ടു-എൻഡ് എൻക്രിപ്ഷൻ നൽകുന്ന സുരക്ഷ നിലനിർത്തുകയും ഡാറ്റ പുറത്താകാനുള്ള സാധ്യത പരിമിതപ്പെടുത്തുകയും ചെയ്തുകൊണ്ട് മറ്റുള്ളവർക്ക് നേരിട്ട് ഡാറ്റ അയയ്ക്കുക. അന്തർനിർമ്മിത ജനറേറ്റർ നിങ്ങൾ സന്ദർശിക്കുന്ന ഓരോ സൈറ്റിനും നീളമുള്ളതും സങ്കീർണ്ണവും വ്യത്യസ്തവുമായ പാസ്‌വേഡുകളും തനതായ ഉപയോക്തൃനാമങ്ങളും സൃഷ്ടിക്കുക. കൂടുതൽ സ്വകാര്യതയ്ക്കായി ഇമെയിൽ അപരനാമങ്ങൾ നൽകുന്ന സേവനങ്ങളുമായി സംയോജിപ്പിക്കുക. ലോകമെമ്പാടുമുള്ള ഭാഷകളിലേക്കുള്ള പരിഭാഷകൾ Crowdin വഴി ആഗോള കമ്മ്യൂണിറ്റി തയ്യാറാക്കിയ Bitwarden പരിഭാഷകൾ 60-ലധികം ഭാഷകളിൽ ലഭ്യമാണ്. വിവിധ പ്ലാറ്റ്‌ഫോമുകൾക്കുള്ള ആപ്ലിക്കേഷനുകൾ ഏത് ബ്രൗസറിൽനിന്നും മൊബൈൽ ഉപകരണത്തിൽനിന്നും ഡെസ്‌ക്‌ടോപ്പ് ഓപ്പറേറ്റിംഗ് സിസ്റ്റത്തിൽനിന്നും മറ്റും നിങ്ങളുടെ Bitwarden വോൾട്ടിലുള്ള സ്വകാര്യമായി സൂക്ഷിക്കേണ്ട ഡാറ്റ സുരക്ഷിതമാക്കുകയും പങ്കിടുകയും ചെയ്യുക. Bitwarden പാസ്‌വേഡുകൾക്കപ്പുറവും സുരക്ഷ നൽകുന്നു എൻഡ്-ടു-എൻഡ് എൻക്രിപ്ഷനുള്ള Bitwarden-ന്റെ ലോഗിൻ വിവര പരിപാലന പരിഹാരങ്ങൾ, ഡെവലപ്പർമാരുടെ രഹസ്യ വിവരങ്ങളും പാസ്‌കീ ഉപയോഗാനുഭവങ്ങളും ഉൾപ്പെടെ എല്ലാം സുരക്ഷിതമാക്കാൻ സ്ഥാപനങ്ങളെ പ്രാപ്തമാക്കുന്നു. Bitwarden Secrets Manager, Bitwarden Passwordless.dev എന്നിവയെക്കുറിച്ച് കൂടുതലറിയാൻ Bitwarden.com സന്ദർശിക്കുക!