Ruffle - Flash Emulator
ID
donbcfbmhbcapadipfkeojnmajbakjdcFlash सामग्री आपोआप शोधून तिची जागा घेणाऱ्या WebAssembly-आधारित एम्युलेटरसह वेबसाइटवरील Flash सामग्री चालवा.
स्क्रीनशॉट
वर्णन
Flash ला वेबवरील त्याच्या हक्काच्या जागी परत आणते.
वापरण्यास सोपे असावे या उद्देशाने तयार केलेले हे एक्स्टेंशन वापरल्यावर Flash सामग्री कोणतीही अतिरिक्त सेटिंग न करता "सहज चालेल". Ruffle वेबसाइटवरील सर्व विद्यमान Flash सामग्री शोधेल आणि ती आपोआप Ruffle प्लेअरमध्ये चालण्यासाठी आवश्यक पर्यायी सुविधा पुरवेल ("polyfill"). त्यामुळे अजूनही Flash सामग्रीवर अवलंबून असलेल्या वेबसाइट वापरात कोणताही अडथळा किंवा जाणवणारा बदल न होता अद्ययावत करता येतात.
वेबसाइटवरही Ruffle इंस्टॉल केलेले असल्यास, गरज पडल्यावर हे एक्स्टेंशन ते नवीनतम आवृत्तीवर अद्ययावत करेल. हे एक्स्टेंशन इंस्टॉल केल्याने, आधीपासूनच Ruffle ची जुनी प्रत असलेल्या वेबसाइटवरही तुम्हाला नवीनतम दुरुस्त्या आणि कार्यक्षमतेतील सुधारणा मिळतात. त्यासोबत तुम्हाला काही अतिरिक्त पर्यायही मिळतात.
Ruffle हा Rust मध्ये लिहिलेला Flash Player एम्युलेटर आहे. WebAssembly च्या मदतीने Ruffle सर्व आधुनिक ब्राउझरवर चालतो. आधुनिक ब्राउझरच्या सँडबॉक्सची सुरक्षितता आणि Rust कडून मिळणाऱ्या मेमरी सुरक्षेच्या हमीमुळे, Flash ज्या सुरक्षाविषयक त्रुटींसाठी कुप्रसिद्ध होता त्या सर्व त्रुटी आम्ही विश्वासाने टाळू शकतो.
Ruffle हा स्वयंसेवकांकडून देखभाल केला जाणारा पूर्णपणे मुक्त स्रोत प्रकल्प आहे. आम्हा सर्वांना इंटरनेटचा इतिहास जतन करण्याची तीव्र आस्था आहे. वापरकर्त्यांना अधिकृत Flash Player चालवता येणार नाही तेव्हा अनेक वेबसाइट आणि प्रचंड प्रमाणातील सामग्री वापरता येणार नाही; ती जतन करण्यात मदत करण्यासाठी आम्ही या प्रकल्पाकडे वळलो. तुम्हाला या प्रकल्पाला हातभार लावायचा असल्यास, आम्ही कोणत्याही प्रकारच्या योगदानाचे स्वागत करतो — अगदी काही जुने गेम खेळणे, ते किती चांगले चालतात हे पाहणे आणि आढळलेल्या समस्या आम्हाला कळवणे, एवढेच असले तरीही!
समस्या कशा कळवायच्या यासह Ruffle बद्दल अधिक माहितीसाठी, https://ruffle.rs या आमच्या वेबसाइटला भेट द्या.