DeArrow - Better Titles and Thumbnails
ID
enamippconapkdmgfgjchkhakpfinmajYouTube वरील क्लिक मिळवण्यासाठी भुलवणारी शीर्षके आणि लघुप्रतिमा समुदायाने सादर केलेल्या किंवा तुमच्या आवडीनुसार सेट करता येणाऱ्या पर्यायांनी बदला.
स्क्रीनशॉट
वर्णन
सनसनाटीपणाऐवजी आशय स्पष्ट करणारी शीर्षके आणि लघुप्रतिमा लोकांच्या सहभागातून मिळवणे
DeArrow हे YouTube वर अधिक चांगली शीर्षके आणि लघुप्रतिमा लोकांच्या सहभागातून मिळवण्यासाठीचे ब्राउझर एक्स्टेंशन आहे. शीर्षके अचूक करणे आणि सनसनाटीपणा कमी करणे हे DeArrow चे उद्दिष्ट आहे.
DeArrow हे पैसे देऊन वापरता येणारे (तुमची इच्छा असल्यास) ब्राउझर एक्स्टेंशन आहे. अमर्याद वापरासाठीची परवाना की तुम्ही 1$ ला खरेदी करू शकता. मात्र, पैसे देणे शक्य नसेल किंवा द्यायचे नसतील, तर "मी पैसे देऊ शकत नाही/देऊ इच्छित नाही" बटणावर क्लिक करून एक्स्टेंशन वापरू शकता.
शीर्षकांमध्ये कोणताही मजकूर असू शकतो. लघुप्रतिमा म्हणजे व्हिडिओतील ठरावीक वेळांवर घेतलेले स्क्रीनशॉट. वापरकर्ते हे सादर करतात आणि त्यांवर मत देतात.
डिफॉल्टनुसार, काहीही सादर केलेले नसल्यास, मूळ शीर्षक वापरकर्त्याने सांगितलेल्या पद्धतीने स्वरूपित केले जाते आणि यादृच्छिक वेळेवरचा स्क्रीनशॉट लघुप्रतिमा म्हणून सेट केला जातो. स्वरूपन बंद करण्यासाठी किंवा डिफॉल्टनुसार मूळ लघुप्रतिमा दाखवण्यासाठी पर्यायांमध्ये हे बदलता येते.
मूळ लघुप्रतिमा खरोखर चांगली असल्यास, सादरीकरण मेनूमध्ये तिच्यासाठीही मत देऊ शकता आणि मग ती सादर केलेल्या लघुप्रतिमेसारखी वापरली जाईल.
आता क्लिक मिळवण्यासाठी भुलवणारा मजकूर, बाण किंवा त्रासदायक चेहरे पाहण्याची गरज नाही.
वापरकर्ते प्रत्येक व्हिडिओसाठी अधिक चांगली शीर्षके आणि लघुप्रतिमा सादर करू शकतात आणि त्यांवर मत देऊ शकतात.
---
DeArrow हे Clickbait Remover for YouTube पेक्षा कसे वेगळे आहे
- Clickbait Remover च्या विपरीत, लोकांच्या सहभागातून अधिक चांगली शीर्षके आणि लघुप्रतिमा मिळवणे हा DeArrow चा मुख्य उद्देश आहे.
- लोकांनी सादर केलेले शीर्षक उपलब्ध नसल्यास, DeArrow तुमच्या सेटिंगनुसार त्याचे आपोआप स्वरूपन करेल, पण Clickbait Remover पेक्षा अधिक प्रगत पद्धतीने. केवळ सर्व शब्द लहान अक्षरांत करणे किंवा प्रत्येक शब्दाचे पहिले अक्षर मोठे करणे याऐवजी, DeArrow "Title Case" (शीर्षकातील महत्त्वाच्या शब्दांचे पहिले अक्षर मोठे) आणि "Sentence case" (वाक्याचे पहिले अक्षर मोठे) यांसारख्या पद्धतींना समर्थन देते. यात संक्षिप्त रूपांतील आणि विशेष नावांतील मोठी अक्षरे कायम ठेवता येतात.
- लोकांनी सादर केलेली लघुप्रतिमा उपलब्ध नसल्यास, DeArrow डिफॉल्टनुसार व्हिडिओतील यादृच्छिक वेळेवरचा स्क्रीनशॉट दाखवते. Clickbait Remover च्या लघुप्रतिमांसाठी YouTube ने आपोआप तयार केलेल्या लघुप्रतिमा वापरल्या जातात. त्या यादृच्छिक वाटल्या तरी, भाव दर्शवणारे चेहरे आणि अतिउत्तेजक इतर वैशिष्ट्यांना प्राधान्य देणाऱ्या मशीन लर्निंग अल्गोरिदमद्वारे निवडल्या जातात. DeArrow स्वतःच्या सर्व्हरने तयार केलेल्या खरोखर यादृच्छिक वेळा वापरते. निवडलेली लघुप्रतिमा प्रायोजकाच्या भागातील नसल्याची खात्री करण्यासाठी DeArrow SponsorBlock डेटाबेसही तपासेल.
---
स्रोत कोड: https://github.com/ajayyy/DeArrow
परवानग्या:
youtube.com, www.youtube-nocookie.com वरील तुमचा डेटा ॲक्सेस करणे:
- YouTube वेबपेजमध्ये बदल करण्यासाठी वापरले जाते