स्क्रीनशॉट

वर्णन

वेळ वाया घालवणाऱ्या वेबसाइटवर घालवलेला वेळ मर्यादित करून तुमची उत्पादकता वाढवा. तुम्ही संगणकासमोर बसता आणि आता उत्पादकपणे काम करणार अशी शपथ घेता. पुन्हा भानावर येता तेव्हा बारा तास उलटलेले असतात. तुम्ही ईमेल तपासलेले असतात, Facebook स्टेटस अपडेट केलेले असते, Redditची 200 पाने चाळलेली असतात, Twitter फीडमधील प्रत्येक लेख वाचलेला असतो, Wikipediaवर आवडता बँड शोधलेला असतो, आत्ममुग्धतेपोटी Googleवर स्वतःचे नाव शोधलेले असते, जुन्या जोडीदाराचा ऑनलाइन पाठलाग केलेला असतो, हायस्कूलमध्ये आवडणाऱ्या सगळ्यांचे Instagram फीड पाहिलेले असतात आणि ऑनलाइन पोकर खेळून एका आठवड्याचा पगार गमावलेला असतो. तुम्ही जे केलेले नसते, ते म्हणजे काम. ✦ StayFocusd म्हणजे काय? Sensor Towerचे StayFocusd हे Google Chromeसाठीचे उत्पादकता वाढवणारे एक्स्टेंशन आहे. वेळ वाया घालवणाऱ्या वेबसाइटवर तुम्ही किती वेळ घालवू शकता हे मर्यादित करून ते कामावर लक्ष केंद्रित ठेवण्यास मदत करते. तुमचा इंटरनेट वापर समजून घेण्यासाठी आणि नियंत्रित करण्यासाठी ते विश्लेषण देते, ज्यामुळे तुम्ही दिवसभर उत्पादक राहता. ⭐ आमची वैशिष्ट्ये ⭐ 📊 वेबसाइट वापराचा इतिहास: तुमच्या दैनंदिन वेबसाइट वापराच्या इतिहासाची आकडेवारी मिळवा. 🚫 बदलता येणारे ब्लॉकिंग: संपूर्ण साइट, ठरावीक सबडोमेन, ठरावीक पाथ, ठरावीक पाने किंवा पानातील सामग्रीसुद्धा (व्हिडिओ, प्रतिमा, फॉर्म इ.) ब्लॉक करा. ☢️ अण्वस्त्र पर्याय: हे प्रभावी वैशिष्ट्य तुम्हाला निवडलेल्या दिवशी तुम्ही ठरवलेल्या तासांच्या संख्येइतक्या वेळेसाठी वेबसाइटचा प्रवेश ब्लॉक करू देते. एकदा सक्रिय केल्यावर ते रद्द करता येत नाही, त्यामुळे तुमची एकाग्रता आणि उत्पादकता टिकून राहते. 📱अनिवार्य आव्हान: कोणतेही सेटिंग बदलण्यासाठी तुम्हाला एक आव्हानात्मक काम पूर्ण करावे लागते. यामुळे सेटिंग बदलण्याचा मोह कमी होतो आणि उत्पादकतेच्या उद्दिष्टांशी बांधील राहण्यास मदत होते. 🗓️ सक्रिय दिवस/तास: StayFocusd लक्ष विचलित करणाऱ्या वेबसाइटवरील तुमचा प्रवेश कोणत्या दिवशी व कोणत्या वेळी मर्यादित करेल ते तुमच्या गरजेनुसार ठरवा. यामुळे महत्त्वाच्या कामाच्या वेळेत तुमची उत्पादकता टिकून राहते. ▶️ ॲपमधील ब्लॉकिंग: YouTube आणि इतर प्रमुख सोशल मीडिया प्लॅटफॉर्मवरील लक्ष विचलित करणारे सर्व घटक ब्लॉक करा. छोटे व्हिडिओ, टिप्पण्या, सुचवलेले व्हिडिओ आणि इतर सामग्री लपवा. 🤖 जनरेटिव्ह AI विश्लेषण: थेट StayFocusdमधून AI चॅट प्लॅटफॉर्मवरील तुमच्या वापराचा मागोवा घ्या आणि विश्लेषण करा. 🔒 गोपनीयतेचे संरक्षण: तुम्ही भेट देता त्या वेबपानांवरून StayFocusd वैयक्तिक डेटा गोळा करत नाही. 🔗 उपकरणांदरम्यान वापराच्या मर्यादा समक्रमित करा: Android उपकरणे आणि इतर ब्राउझर जोडा, जेणेकरून वेबसाइट व मोबाइल ॲपचा वापर आणि मर्यादा एकाच ठिकाणी पाहता येतील. ✦ तुम्ही महत्त्वाचे आहात आम्ही तुमच्या अभिप्रायाला महत्त्व देतो! आमच्या वाढीला मदत करण्यासाठी Chrome Web Storeवर आम्हाला 5 तारे द्या. समस्या? प्रश्न? सूचना? भरभरून कौतुक? [email protected]वर ईमेल करा. गोपनीयता सूचना: StayFocusd इन्स्टॉल करताना ते तुम्हाला अनेक परवानग्या देण्यास सांगेल, ज्यात “तुम्ही भेट देता त्या वेबसाइटवरील तुमचा सर्व डेटा वाचणे आणि बदलणे” याचाही समावेश आहे. तुम्ही भेट देऊ शकता अशा कोणत्याही साइटवर StayFocusd चालण्यासाठी ही परवानगी आवश्यक आहे—तिच्याशिवाय StayFocusd वेबसाइट ब्लॉक करू शकणार नाही. ही परवानगी तांत्रिकदृष्ट्या StayFocusdला डेटा वाचण्याची आणि बदलण्याची क्षमता देत असली तरी, तुम्ही ब्राउझ करत असलेल्या वेबपानाच्या सामग्रीतून आम्ही कधीही वैयक्तिक डेटा गोळा करणार नाही.