Ruffle - Flash Emulator
ID
donbcfbmhbcapadipfkeojnmajbakjdcFlash உள்ளடக்கத்தைத் தானாகக் கண்டறிந்து மாற்றும் WebAssembly அடிப்படையிலான எமுலேட்டரைப் பயன்படுத்தி இணையதளங்களில் Flash உள்ளடக்கத்தை இயக்குங்கள்.
ஸ்கிரீன்ஷாட்கள்
விளக்கம்
Flash இருக்க வேண்டிய இடமான இணையத்திற்கே அதை மீண்டும் கொண்டுவருகிறது.
எளிதாகப் பயன்படுத்தும் வகையில் வடிவமைக்கப்பட்ட இந்த நீட்டிப்பைப் பயன்படுத்தினால், கூடுதல் அமைப்புகள் எதுவும் தேவையின்றி Flash உள்ளடக்கம் "தானாகவே இயங்கும்". இணையதளத்தில் ஏற்கெனவே உள்ள எல்லா Flash உள்ளடக்கத்தையும் Ruffle கண்டறிந்து, அதை Ruffle இயக்கியில் இயங்கும்படி தானாகவே மாற்றும். இதனால், இன்னும் Flash உள்ளடக்கத்தைச் சார்ந்திருக்கும் இணையதளங்களை இடையூறின்றி, பயனருக்கு மாற்றம் தெரியாமலேயே மேம்படுத்த முடியும்.
இணையதளங்களிலும் Ruffle நிறுவப்பட்டிருந்தால், தேவைப்படும்போது இந்த நீட்டிப்பு அதை அண்மைய பதிப்பிற்கு மேம்படுத்தும். இந்த நீட்டிப்பை நிறுவுவதன் மூலம், ஏற்கெனவே Ruffle இன் பழைய பதிப்பைக் கொண்டுள்ள இணையதளங்களில்கூட அண்மைய திருத்தங்களையும் செயல்திறன் மேம்பாடுகளையும் பெறுவீர்கள். கூடுதலாகச் சில விருப்பங்களும் உங்களுக்குக் கிடைக்கும்.
Ruffle என்பது Rust மொழியில் எழுதப்பட்ட Flash Player எமுலேட்டர். WebAssembly ஐப் பயன்படுத்தி அனைத்து நவீன உலாவிகளிலும் Ruffle இயங்குகிறது. நவீன உலாவியின் தனிமைப்படுத்தப்பட்ட இயக்கச் சூழலின் பாதுகாப்பையும், Rust வழங்கும் நினைவகப் பாதுகாப்பு உத்தரவாதங்களையும் பயன்படுத்துவதால், Flash இல் இருப்பதாகப் பெயர்பெற்ற அனைத்துப் பாதுகாப்புச் சிக்கல்களையும் எங்களால் நம்பிக்கையுடன் தவிர்க்க முடிகிறது.
Ruffle என்பது தன்னார்வலர்களால் பராமரிக்கப்படும் முற்றிலும் திறந்த மூலத் திட்டம். இணைய வரலாற்றைப் பாதுகாப்பதில் எங்கள் அனைவருக்கும் மிகுந்த ஆர்வம் உள்ளது. அதிகாரப்பூர்வ Flash Player ஐப் பயனர்களால் இயக்க முடியாமல் போகும்போது, அணுக முடியாமல் போகும் ஏராளமான இணையதளங்களையும் உள்ளடக்கத்தையும் பாதுகாக்க உதவுவதற்காகவே இந்தத் திட்டத்தில் பணியாற்ற முன்வந்தோம். இந்தத் திட்டத்திற்கு ஆதரவளிக்க விரும்பினால், எந்த வகையான பங்களிப்பையும் வரவேற்கிறோம் — சில பழைய விளையாட்டுகளை விளையாடி, அவை எவ்வளவு நன்றாக இயங்குகின்றன என்பதைப் பார்த்து, நீங்கள் காணும் சிக்கல்களை எங்களுக்குத் தெரிவிப்பதாக இருந்தாலும்கூட!
சிக்கல்களை எப்படிப் புகாரளிப்பது என்பது உட்பட, Ruffle பற்றிய கூடுதல் தகவல்களுக்கு https://ruffle.rs என்ற எங்கள் இணையதளத்தைப் பாருங்கள்.