Vimeo Record - Screen & Webcam Recorder
ID
ejfmffkmeigkphomnpabpdabfddeadcbதிரை, வெப்கேம், குரல் செய்திகளைப் பதிவுசெய்து, தனிப்பட்ட இணைப்புகளைப் பகிருங்கள்; பதிவுகள் தானாகவே Vimeo-வில் பதிவேற்றப்படும்.
ஸ்கிரீன்ஷாட்கள்
விளக்கம்
உங்கள் உலாவியிலிருந்து இலவச வீடியோ செய்திகளைப் பதிவுசெய்து பகிருங்கள்
உங்கள் உலாவியிலிருந்து இலவச வீடியோ செய்திகளைப் பதிவுசெய்து பகிருங்கள்
நாம் தட்டச்சு செய்வதைவிட 7 மடங்கு வரை வேகமாகப் பேசுகிறோம் என்பது தெரியுமா?
அடுத்த முறை நீண்ட மின்னஞ்சல் அல்லது அரட்டைச் செய்தியை அனுப்ப நினைக்கும்போது, உங்கள் கருத்துகளை ஒரு வீடியோ பதிவு இன்னும் சிறப்பாகவும் வேகமாகவும் தெரிவிக்குமா என்று யோசியுங்கள்.
தயாரிப்பு செயல்விளக்கம், வடிவமைப்புக் கருத்து அல்லது அறிவுப் பரிமாற்ற அமர்வு என எதுவாக இருந்தாலும், Vimeo-வின் திரைப் பதிவுக் கருவியால் வீடியோ செய்திகளை விரைவாகப் பதிவுசெய்து பகிரலாம். உங்கள் திரை, குரல், முகம் அல்லது இவற்றின் சேர்க்கையைப் பதிவுசெய்யத் தேர்வுசெய்யுங்கள். பதிவுசெய்து முடித்ததும், தனிப்பட்ட இணைப்புடன் வீடியோவை உடனே பகிரலாம்.
பதிவுசெய்யப்படும் ஒவ்வொரு வீடியோவும் தானாகவே Vimeo-வில் பதிவேற்றப்படும். வீடியோக்களை ஒழுங்குபடுத்துதல் மற்றும் மாற்றுதல், பிளேயரைத் தனிப்பயனாக்குதல், குழுக்களுடன் வீடியோ பகிர்தல், அத்தியாயக் குறிகளைச் சேர்த்தல் போன்ற பல கருவிகளை அது வழங்குகிறது. தங்கள் வீடியோக்களின் இல்லமாக Vimeo-வைத் தேர்ந்தெடுத்துள்ள 20 கோடிக்கும் அதிகமான பயனர்களுடன் இணையுங்கள்.
***திரைப் பதிவை அமைப்பது எப்படி***
+ விரைவாகப் பதிவுசெய்யத் தொடங்குங்கள்: எங்கள் நீட்டிப்பு நேரடியாக Vimeo-விற்கு அழைத்துச் செல்கிறது; எனவே இரண்டு கிளிக்குகளில் உலாவியிலிருந்து பதிவுசெய்யலாம். ஒலி, வெப்கேம் அல்லது இரண்டுடனும் திரையைப் பதிவுசெய்யுங்கள்: முழுத் திரை அல்லது ஓர் செயலியைத் தேர்ந்தெடுங்கள். கேமராவை இயக்கலாம் அல்லது அணைக்கலாம்.
+ தனிப்பட்ட முறையில் பகிருங்கள் அல்லது எங்கும் உட்பொதியுங்கள்: தனிப்பட்ட இணைப்புடன் பதிவை உடனே பகிருங்கள் அல்லது உங்கள் இணையதளம் அல்லது சமூக ஊடகச் சேனல்களில் உட்பொதியுங்கள்.
+ பார்வையாளர் பகுப்பாய்வு: ஒருவர் உங்கள் வீடியோவைப் பார்க்கும்போது அறிவிப்பைப் பெறுங்கள்; உங்கள் பார்வையாளர்களைப் பற்றியும் அறிந்துகொள்ளுங்கள்.
+ மதிப்பாய்வும் கருத்துகளும்: திட்டங்கள் முன்னேற, குழு உறுப்பினர்கள் அல்லது வாடிக்கையாளர்களின் கருத்துகளைச் சேகரித்து அவற்றுக்குத் தீர்வுகாணுங்கள்.
+ வீடியோக்களைப் பதிவேற்றுங்கள்: உங்களிடம் வீடியோக்கள் உள்ளன. அவற்றை ஹோஸ்ட் செய்து ஒழுங்குபடுத்த எங்களிடம் இடம் உள்ளது.
Vimeo-வின் இணையவழிக் கூட்டுப்பணிக் கருவிகளால் இன்னும் பலவற்றைச் செய்ய மேம்படுத்துங்கள்:
+ அத்தியாயங்களையும் செயலுக்கான அழைப்புகளையும் சேருங்கள்: அத்தியாயக் குறிகளையும் செயலுக்கான அழைப்புகளையும் கொண்டு, பார்வையாளர்கள் வீடியோவில் எளிதாக நகர்ந்து தேவையான தகவலைப் பெற உதவுங்கள்.
+ முழுக் குழுவையும் அழையுங்கள்: அறிவிப்புகள் மூலம் அனைவரையும் தகவலறிந்தவர்களாக வைத்திருக்கக் குழு உறுப்பினர்களைச் சேருங்கள்.
+ SSO மூலம் பாதுகாப்பளியுங்கள்: ஒருமுறை உள்நுழைவு மூலம் குழுவின் அணுகலை எளிதாக நிர்வகியுங்கள்.
***VIMEO-வின் திரைப் பதிவுக் கருவியை யார் பயன்படுத்துகிறார்கள்?***
படைப்புக் குழுக்கள், தனித்தொழில் செய்பவர்கள், முகமைகள்
உங்கள் பணியின் படிப்படியான விளக்கத்தைப் பதிவுசெய்யுங்கள், கருத்துகளைச் சேகரியுங்கள், ஒப்புதல் செயல்முறையை எளிதாக்குங்கள்.
மனிதவள மேலாளர்கள், பயிற்சியாளர்கள், கல்வியாளர்கள்
ஊழியர்களுக்கும் வாடிக்கையாளர்களுக்கும் மீண்டும் பயன்படுத்தக்கூடிய பயிற்சிகளையும் அறிமுக வீடியோக்களையும் உருவாக்கி அறிவுப் பகிர்வை எளிதாக்குங்கள்.
தயாரிப்பு, வடிவமைப்பு, பொறியியல்
மற்றொரு கூட்டத்தை ஏற்பாடு செய்யாமல் பிழை அறிக்கைகளைச் சமர்ப்பியுங்கள், வடிவமைப்புகளையும் குறியீட்டையும் மதிப்பாய்வு செய்யுங்கள், தயாரிப்புகளை விளக்குங்கள், கருத்துகளையும் யோசனைகளையும் பகிருங்கள்.
வாடிக்கையாளர் ஆதரவு
நீங்கள் பார்ப்பதைக் காட்சிவழியாகப் படிப்படியாக விளக்கி சிக்கல்களை விரைவில் தீருங்கள்.
நிர்வாகிகள்
மனிதநேயமான அணுகுமுறையுடன் நிறுவனத்தின் புதிய தகவல்களைப் பதிவுசெய்து அனுப்புங்கள்.
***VIMEO-வின் திரைப் பதிவுக் கருவியை ஏன் பயன்படுத்த வேண்டும்***
பதிவுசெய்வது இலவசம்
Vimeo-வின் திரைப் பதிவுக் கருவியை இலவசமாக அணுகலாம்; எனவே நீங்களும் உங்கள் குழுவும் விரைவாகவும் எளிதாகவும் தொடங்கலாம். மேலும், எந்த வீடியோ கோப்பையும் பதிவேற்றி, உங்கள் வீடியோக்களை ஒழுங்குபடுத்தவும் நிர்வகிக்கவும் வெளியிடவும் பல கருவிகளைப் பயன்படுத்துங்கள்.
உங்கள் நேரத்தின் கட்டுப்பாட்டை மீண்டும் பெறுங்கள்
ஒரு வீடியோ செய்தியை அனுப்புவது, மிகக் குறுகிய நேரத்தில் கூட்டத்தின் பின்னணியையும் பயனையும் அளிக்கலாம். உங்கள் செய்தியைத் தெரிவிக்கத் திரையைப் பதிவுசெய்து பேசத் தொடங்கினால் போதும்.
தனிப்பட்ட அளவில் தொடர்புகொள்ளுங்கள்
எழுத்துவழித் தொடர்பில் பல அர்த்தங்கள் விடுபோகின்றன. நேரில் செய்வதைப் போலக் குரலாலும் முகத்தாலும் உங்களை வெளிப்படுத்தி, தொலைவிலிருந்தும் உங்கள் கருத்தைப் புரியவைத்து வலுவான உறவுகளை உருவாக்குங்கள். தொனி, உணர்வு, பரிவு ஆகியவற்றை வெளிப்படுத்துங்கள்.
அறிவை உடனே பகிருங்கள்
பயிற்சி மற்றும் மறுபயிற்சியில் செலவிடும் நேரத்தைக் குறையுங்கள். குழு உறுப்பினர்களுக்கும் வாடிக்கையாளர்களுக்கும் அறிமுகமும் கல்வியும் அளிக்கவும் ஆதரவு கோரிக்கைகளுக்குத் தீர்வுகாணவும், வழிகாட்டல் வீடியோக்கள், செயல்விளக்கங்கள், விளக்கக்காட்சிகள் மற்றும் படிப்படியான வழிகாட்டிகள் போன்ற மீண்டும் பயன்படுத்தக்கூடிய வளங்களைப் பதிவுசெய்யுங்கள்.
கருத்தளிக்கும் செயல்முறையை எளிதாக்குங்கள்
உங்கள் வீடியோ பதிவுகளிலேயே கருத்துகளை ஒருங்கிணைத்து அவற்றுக்குத் தீர்வுகாணுங்கள். திட்டங்கள் முன்னேறக் கருத்திடுங்கள், குழுவினரைக் குறியிடுங்கள்.
முழுக் குழுவுக்கும் பாதுகாப்பான அணுகல்
கோப்புறையை அணுகக்கூடிய அனைவருக்கும் புதிய உள்ளடக்க அறிவிப்புகள் தானாகச் செல்ல, பதிவுகளைக் குழுக் கோப்புறைகளில் ஒழுங்குபடுத்துங்கள். அனுமதிகளை அமைத்து, குறிப்பிட்ட கோப்புறைகளுக்குப் பார்வையாளர்களாக வாடிக்கையாளர்களையும் பங்குதாரர்களையும் அழையுங்கள்.