DeArrow - Better Titles and Thumbnails
ID
enamippconapkdmgfgjchkhakpfinmajYouTube இல் உள்ள கிளிக் செய்யத் தூண்டும் தலைப்புகளையும் சிறுபடங்களையும் சமூகத்தினர் சமர்ப்பித்தவற்றாலோ விருப்பப்படி அமைக்கக்கூடிய மாற்றுகளாலோ மாற்றுங்கள்.
ஸ்கிரீன்ஷாட்கள்
விளக்கம்
பரபரப்பை ஏற்படுத்தாமல் உள்ளடக்கத்தை விளக்கும் தலைப்புகளையும் சிறுபடங்களையும் சமூகப் பங்களிப்புகள் மூலம் பெறுதல்
DeArrow என்பது YouTube இல் சிறந்த தலைப்புகளையும் சிறுபடங்களையும் சமூகப் பங்களிப்புகள் மூலம் பெறுவதற்கான உலாவி நீட்டிப்பு. தலைப்புகளைத் துல்லியமாக்கி, பரபரப்பூட்டும் தன்மையைக் குறைப்பதே DeArrow இன் நோக்கம்.
DeArrow ஒரு கட்டண உலாவி நீட்டிப்பு (நீங்கள் விரும்பினால் மட்டும்). வரம்பற்ற பயன்பாட்டுக்கான உரிமச் சாவியை 1$ க்கு வாங்கலாம். ஆனால் பணம் செலுத்த முடியாவிட்டாலோ விருப்பமில்லாவிட்டாலோ, "என்னால் பணம் செலுத்த முடியாது/விருப்பமில்லை" பொத்தானைக் கிளிக் செய்து நீட்டிப்பைப் பயன்படுத்தலாம்.
தலைப்புகள் எந்த உரையாகவும் இருக்கலாம். சிறுபடங்கள் காணொளியின் குறிப்பிட்ட நேரப்புள்ளிகளில் எடுக்கப்பட்ட திரைப்பிடிப்புகள். இவற்றைப் பயனர்கள் சமர்ப்பித்து வாக்களிக்கிறார்கள்.
இயல்பாக, சமர்ப்பிப்புகள் எதுவும் இல்லாவிட்டால், பயனர் குறிப்பிட்ட வடிவத்துக்கு அசல் தலைப்பை மாற்றி, சீரற்ற நேரப்புள்ளியில் எடுக்கப்பட்ட திரைப்பிடிப்பைச் சிறுபடமாக அமைக்கும். வடிவமைப்பை முடக்கவோ, இயல்பாக அசல் சிறுபடத்தைக் காட்டவோ விருப்பங்களில் இதை அமைக்கலாம்.
அசல் சிறுபடம் உண்மையிலேயே நன்றாக இருந்தால், சமர்ப்பிப்பு மெனுவில் அதற்கும் வாக்களிக்கலாம். அதன் பிறகு அதுவும் ஒரு சமர்ப்பிப்பாகச் செயல்படும்.
இனி கிளிக் செய்யத் தூண்டும் உள்ளடக்கம், அம்புக்குறிகள் அல்லது எரிச்சலூட்டும் முகங்களைச் சமாளிக்க வேண்டியதில்லை.
ஒவ்வொரு காணொளிக்கும் சிறந்த தலைப்புகளையும் சிறுபடங்களையும் பயனர்கள் சமர்ப்பித்து, அவற்றுக்கு வாக்களிக்கலாம்.
---
Clickbait Remover for YouTube இலிருந்து DeArrow எவ்வாறு வேறுபடுகிறது
- Clickbait Remover போலல்லாமல், சிறந்த தலைப்புகளையும் சிறுபடங்களையும் சமூகப் பங்களிப்புகள் மூலம் பெறுவதே DeArrow இன் முக்கிய நோக்கம்.
- சமூகத்தினர் வழங்கிய தலைப்பு இல்லாதபோது, உங்கள் அமைப்புக்கு ஏற்ப DeArrow தானாகவே தலைப்பை வடிவமைக்கும். ஆனால் இதை Clickbait Remover ஐவிட நுணுக்கமாகச் செய்கிறது. எல்லாச் சொற்களையும் சிற்றெழுத்தாக்குவது அல்லது ஒவ்வொரு சொல்லின் முதல் எழுத்தையும் பேரெழுத்தாக்குவது மட்டுமல்லாமல், "Title Case" (தலைப்பில் முக்கியச் சொற்களின் முதல் எழுத்தைப் பேரெழுத்தாக்குதல்), "Sentence case" (வாக்கியத்தின் முதல் எழுத்தைப் பேரெழுத்தாக்குதல்) போன்ற எழுத்து வடிவங்களையும் DeArrow ஆதரிக்கிறது. இவற்றிலும் சுருக்கெழுத்துகளும் இயற்பெயர்களும் பேரெழுத்துகளுடன் இருக்க முடியும்.
- சமூகத்தினர் வழங்கிய சிறுபடம் இல்லாதபோது, இயல்பாகக் காணொளியின் சீரற்ற நேரப்புள்ளியில் எடுக்கப்பட்ட திரைப்பிடிப்பை DeArrow காட்டும். Clickbait Remover இன் சிறுபடங்கள் YouTube தானாக உருவாக்கிய சிறுபடங்களைப் பயன்படுத்துகின்றன. அவை சீரற்றவை போலத் தோன்றினாலும், முகபாவனைகள் கொண்ட முகங்களுக்கும் அளவுக்கதிகமாகத் தூண்டும் பிற அம்சங்களுக்கும் முன்னுரிமை தரும் இயந்திரக் கற்றல் வழிமுறையால் தேர்ந்தெடுக்கப்படுகின்றன. DeArrow தனது சொந்த சேவையகம் உருவாக்கும் உண்மையிலேயே சீரற்ற நேரப்புள்ளிகளைப் பயன்படுத்துகிறது. சீரற்ற முறையில் தேர்ந்தெடுக்கப்பட்ட சிறுபடம் விளம்பரதாரர் பகுதியிலிருந்து வரவில்லை என்பதை உறுதிப்படுத்த SponsorBlock தரவுத்தளத்தையும் DeArrow சரிபார்க்கும்.
---
மூலக் குறியீடு: https://github.com/ajayyy/DeArrow
அனுமதிகள்:
youtube.com, www.youtube-nocookie.com ஆகியவற்றில் உங்கள் தரவை அணுகுதல்:
- YouTube வலைப்பக்கத்தை மாற்றப் பயன்படுகிறது