DualSafe Password Manager & Digital Vault
ID
lgbjhdkjmpgjgcbcdlhkokkckpjmedgcகடவுச்சொற்களை டிஜிட்டல் பாதுகாப்புப் பெட்டகத்தில் சேமித்து தானாக நிரப்புங்கள், கடவுச்சொற்களை உருவாக்குங்கள், இருண்ட இணையத்தில் கணக்குத் தரவுக் கசிவுகளைக் கண்காணியுங்கள்.
ஸ்கிரீன்ஷாட்கள்
விளக்கம்
DualSafe Password Manager நீட்டிப்பு, கடவுச்சொற்களைத் தானாகச் சேமிக்கவும் நிரப்பவும் எப்போது வேண்டுமானாலும் அணுகவும், அவற்றை ஒரே இடத்தில் பாதுகாப்பாக நிர்வகிக்க உதவுகிறது.
இந்தக் கடவுச்சொல் மேலாண்மைக் கருவியுடன் பாதுகாப்பாகவும் திறம்படவும் செயல்படுங்கள். DualSafe Password Manager நீட்டிப்பு, கடவுச்சொற்களை ஒரே இடத்தில் பாதுகாப்பாகவும் எளிதாகவும் நிர்வகிக்க உதவுகிறது. நீங்கள் ஒரே ஒரு கடவுச்சொல்லை மட்டும் நினைவில் வைத்திருந்தால் போதும்.
DualSafe Password Manager செருகுநிரல், உங்கள் அனுமதியுடன் உங்கள் உள்நுழைவுத் தகவல்களைப் பாதுகாப்பான டிஜிட்டல் பெட்டகத்தில் தானாகச் சேமிக்கும். பிறகு, நீங்கள் தளங்களில் உள்நுழைய வேண்டிய போதெல்லாம் சேமித்த கடவுச்சொற்கள் தானாக நிரப்பப்படும்.
மிகச் சிறந்த கடவுச்சொல் நிர்வாக உலாவிச் செருகுநிரலுடன், உங்கள் கணினியில் தனியாக ஒரு கடவுச்சொல் நிர்வாகச் செயலியை நிறுவ வேண்டியதில்லை. DualSafe Password Manager நீட்டிப்புடன் கடவுச்சொல் நிர்வாகம் முன்னெப்போதையும் விட எளிதாகியுள்ளது. இப்போதே அதை உங்கள் உலாவியில் சேருங்கள்!
DualSafe-ஐ மிகச் சிறந்த கடவுச்சொல் நிர்வாகியாக மாற்றுவது எது?
🔒100% பாதுகாப்பானது🔒
உங்கள் தரவுகள் அனைத்தும் AES256 மூலம் முழுவதுமாக உங்கள் சாதனத்திலேயே மறையாக்கம் செய்யப்படுகின்றன. உங்களைத் தவிர வேறு யாரும், நாங்கள் (DualSafe) உட்பட, உங்கள் தனிப்பட்ட தகவல்களை அணுக முடியாது.
தரவை ஒத்திசைக்கும்போது, ஏற்கெனவே மறையாக்கம் செய்யப்பட்ட தரவுகளை எங்கள் கிளவுட் சேவையகத்துக்கு அனுப்ப HTTPS-ஐப் பயன்படுத்துகிறோம். SSL காரணமாக முழுச் செயல்முறையும் 100% பாதுகாப்பானது.
எதையாவது நினைவில் வைத்துக்கொள்ள உதவுவதற்காக மட்டும் நாங்கள் இங்கே இல்லை; அனைத்தையும் பாதுகாக்க உதவுவதற்காக இருக்கிறோம். உங்கள் கணக்குத் தகவலும் கடவுச்சொல்லும் கசிந்தால் உடனடியாக உங்களுக்குத் தெரிவிப்பதை உறுதிசெய்ய, இரவு பகலாக இருண்ட இணையத்தைக் கண்காணிக்கிறோம். எங்கள் நீட்டிப்பில் நீங்கள் கடவுச்சொல்லைச் சேர்க்கும் ஒவ்வொரு முறையும் அதன் வலிமையைச் சரிபார்க்க உதவுவதுடன், அதை மேம்படுத்துவதற்கான பரிந்துரைகளையும் வழங்குகிறோம்.
✔️எளிதில் புரிந்துகொண்டு பயன்படுத்தலாம்✔️
DualSafe Password Manager நீட்டிப்பு ஒரே கிளிக்கில் உங்கள் உள்நுழைவுத் தகவல்களைச் சேமிக்க உதவுகிறது. அடுத்த முறை நீங்கள் உள்நுழையும்போது, உங்கள் பயனர்பெயரையும் கடவுச்சொல்லையும் நாங்கள் தானாக நிரப்புவோம். எங்கள் செருகுநிரலை அணுகுவதற்கான ஒரே ஒரு கடவுச்சொல்லை நினைவில் வைத்திருப்பது மட்டுமே நீங்கள் செய்ய வேண்டியது.
ஒரு தளத்தில் உங்கள் கணக்குப் பெயர் அல்லது கடவுச்சொல்லைப் புதுப்பிக்கும் ஒவ்வொரு முறையும், அதை உங்களுக்காகத் தானாகப் புதுப்பிப்போம்.
நீங்கள் அடிக்கடி பார்வையிடும் தளங்களை எளிதில் கண்டுபிடிக்க உதவ, சேமித்த கணக்குத் தகவல்களை நீங்கள் கடைசியாகப் புதுப்பித்த நேரத்தின் அடிப்படையில் வரிசைப்படுத்துகிறோம். உங்களுக்குப் பிடித்த தளங்களைக் கண்டுபிடிக்கத் தேடல் வசதியும் வழங்கப்படுகிறது.
➕கடவுச்சொல் நிர்வாகியை விடப் பல மடங்கு அதிகம்➕
DualSafe என்பது கடவுச்சொல் நிர்வாகி மட்டுமல்ல; உங்களுக்குத் தேவையான அனைத்திற்குமான ஒரே டிஜிட்டல் பாதுகாப்புப் பெட்டகம். உங்கள் பாதுகாப்பான குறிப்புகள், பணம் செலுத்தும் தகவல்கள் அல்லது தனிப்பட்ட தகவல்களையும் எங்களிடம் சேமிக்கலாம். மீண்டும் சொல்கிறோம், எங்களிடம் அனைத்தும் பாதுகாப்பாக இருக்கும்.
🛠️கூடுதல் இலவசக் கருவிகள்🛠️
பயனர்களுக்கு 4 கூடுதல் இலவசக் கருவிகளை வழங்குவதில் DualSafe பெருமை கொள்கிறது: கடவுச்சொல் உருவாக்கி, இருண்ட இணையக் கண்காணிப்பு, கடவுச்சொல் பாதுகாப்புச் சோதனை, இறக்குமதி மற்றும் ஏற்றுமதி.
யாராலும் ஊகிக்க முடியாத வலுவான, பாதுகாப்பான கடவுச்சொல்லை உருவாக்க கடவுச்சொல் உருவாக்கி உதவும். அது மிகவும் சிக்கலாக இருப்பதைப் பற்றி கவலைப்பட வேண்டாம். நீங்கள் அதை நினைவில் வைத்திருக்க வேண்டியதில்லை; நாங்கள் நினைவில் வைத்துக்கொள்ள உதவுகிறோம்.
இருண்ட இணையத்தில் முக்கியமான தரவுக் கசிவுகளைக் கண்காணிக்க இருண்ட இணையக் கண்காணிப்புக் கருவி உதவும். உங்கள் தகவல்களைக் கொண்ட கசிவுத் தளங்களைக் கண்டறிந்ததும் உங்களுக்குத் தெரிவித்து பரிந்துரைகளை வழங்குவோம்.
கடவுச்சொல் பாதிக்கப்படக்கூடியதா எனக் கடவுச்சொல் பாதுகாப்புச் சோதனையால் சரிபார்க்க முடியும். உங்கள் கடவுச்சொற்கள் உடைக்கப்படுவதைத் தடுக்க, பலவீனமான, மீண்டும் பயன்படுத்தப்படும் அல்லது கசிந்த கடவுச்சொற்களுக்குக் குறைந்த மதிப்பெண் வழங்குவோம்.
இறக்குமதி மற்றும் ஏற்றுமதி மூலம், உங்கள் உலாவிகள் அல்லது பிற கடவுச்சொல் கருவிகளிலிருந்து தரவுகளை இறக்குமதி செய்யலாம்; சேமித்த தரவுகளை ஒரே கிளிக்கில் CSV கோப்பாக ஏற்றுமதி செய்யலாம்.
❤️இன்று முதல் கடவுச்சொற்களை மறப்பதை மறந்துவிடுங்கள். DualSafe Password Manager மூலம் உங்கள் முக்கியத் தகவல்களை விரல்நுனியில் வைத்திருங்கள்.❤️