Bitwarden Password Manager
ID
nngceckbapebfimnlniiiahkandclblbகடவுச்சொற்களையும் அணுகல் விசைகளையும் மறையாக்கப்பட்ட பாதுகாப்புப் பெட்டகத்தில் சேமித்துப் பகிருங்கள்; சாதனங்கள் அனைத்திலும் தனித்துவமான கடவுச்சொற்களை உருவாக்குங்கள்.
ஸ்கிரீன்ஷாட்கள்
விளக்கம்
வீட்டிலோ, வேலையிடத்திலோ, பயணத்திலோ, உங்கள் கடவுச்சொற்கள், அணுகல் விசைகள் மற்றும் ரகசியத் தகவல்கள் அனைத்தையும் Bitwarden எளிதாகப் பாதுகாக்கிறது
PCMag, WIRED, The Verge, CNET, G2 உள்ளிட்ட பலவற்றால் சிறந்த கடவுச்சொல் நிர்வாகியாக அங்கீகரிக்கப்பட்டுள்ளது!
உங்கள் டிஜிட்டல் வாழ்க்கையைப் பாதுகாத்திடுங்கள்
ஒவ்வொரு கணக்கிற்கும் தனித்துவமான, வலுவான கடவுச்சொற்களை உருவாக்கிச் சேமிப்பதன் மூலம் உங்கள் டிஜிட்டல் வாழ்க்கையைப் பாதுகாத்து, தரவுக் கசிவுகளிலிருந்து காத்திடுங்கள். நீங்கள் மட்டுமே அணுகக்கூடிய, முனையிலிருந்து முனை வரை மறையாக்கப்பட்ட கடவுச்சொல் பெட்டகத்தில் அனைத்தையும் வைத்திருங்கள்.
எங்கிருந்தும், எப்போது வேண்டுமானாலும், எந்தச் சாதனத்திலும் உங்கள் தரவை அணுகுங்கள்
எந்தக் கட்டுப்பாடுகளும் இன்றி, வரம்பற்ற சாதனங்களில் வரம்பற்ற கடவுச்சொற்களை எளிதாக நிர்வகிக்கவும், சேமிக்கவும், பாதுகாக்கவும், பகிரவும் முடியும்.
இணையத்தில் பாதுகாப்பாக இருக்கத் தேவையான கருவிகள் அனைவருக்கும் கிடைக்க வேண்டும்
விளம்பரங்களோ தரவு விற்பனையோ இல்லாமல் Bitwarden-ஐ இலவசமாகப் பயன்படுத்துங்கள். இணையத்தில் பாதுகாப்பாக இருக்கும் வசதி அனைவருக்கும் இருக்க வேண்டும் என்று Bitwarden நம்புகிறது. Premium திட்டங்கள் மேம்பட்ட அம்சங்களை அணுகும் வசதியை வழங்குகின்றன.
BITWARDEN மூலம் உங்கள் குழுக்களுக்கு ஆற்றலளியுங்கள்
Teams மற்றும் Enterprise திட்டங்களில் தொழில்முறை வணிக அம்சங்கள் உள்ளன. SSO ஒருங்கிணைப்பு, சொந்த சேவையகத்தில் இயக்குதல், பயனர் அடைவு ஒருங்கிணைப்பு மற்றும் SCIM மூலம் கணக்குகளை அமைத்தல், நிறுவனம் முழுவதற்குமான கொள்கைகள், API அணுகல், நிகழ்வுப் பதிவுகள் உள்ளிட்ட பல அம்சங்கள் இவற்றில் அடங்கும்.
உங்கள் பணியாளர்களைப் பாதுகாக்கவும், சக ஊழியர்களுடன் ரகசியத் தகவல்களைப் பகிரவும் Bitwarden-ஐப் பயன்படுத்துங்கள்.
Bitwarden-ஐத் தேர்ந்தெடுப்பதற்கான கூடுதல் காரணங்கள்:
உலகத் தரம் வாய்ந்த மறையாக்கம்
மேம்பட்ட முனையிலிருந்து முனை வரையிலான மறையாக்கத்தால் (AES-256 bit, சீரற்ற கூடுதல் தரவைச் சேர்த்து ஹாஷ் உருவாக்குதல் மற்றும் PBKDF2 SHA-256) கடவுச்சொற்கள் பாதுகாக்கப்படுகின்றன. இதனால் உங்கள் தரவு பாதுகாப்பாகவும் தனிப்பட்டதாகவும் இருக்கும்.
மூன்றாம் தரப்புத் தணிக்கைகள்
புகழ்பெற்ற பாதுகாப்பு நிறுவனங்களைக் கொண்டு விரிவான மூன்றாம் தரப்புப் பாதுகாப்புத் தணிக்கைகளை Bitwarden தொடர்ந்து நடத்துகிறது. ஆண்டுதோறும் நடைபெறும் இந்தத் தணிக்கைகளில் Bitwarden-இன் IP முகவரிகள், சேவையகங்கள் மற்றும் வலைப் பயன்பாடுகள் முழுவதிலும் மூலக் குறியீட்டு மதிப்பீடுகளும் ஊடுருவல் சோதனைகளும் அடங்கும்.
மேம்பட்ட இரு காரணி அங்கீகாரம் (2FA)
மூன்றாம் தரப்பு அங்கீகாரச் செயலி, மின்னஞ்சலில் அனுப்பப்படும் குறியீடுகள் அல்லது வன்பொருள் பாதுகாப்பு விசை அல்லது அணுகல் விசை போன்ற FIDO2 WebAuthn நற்சான்றுகள் மூலம் உங்கள் உள்நுழைவைப் பாதுகாக்கவும்.
Bitwarden Send
முனையிலிருந்து முனை வரையிலான மறையாக்கப் பாதுகாப்பைப் பராமரித்து, தரவு வெளிப்படும் வாய்ப்பைக் கட்டுப்படுத்தியபடி மற்றவர்களுக்கு நேரடியாகத் தரவை அனுப்புங்கள்.
உள்ளமைந்த உருவாக்கி
நீங்கள் பார்வையிடும் ஒவ்வொரு தளத்திற்கும் நீளமான, சிக்கலான, ஒன்றுக்கொன்று மாறுபட்ட கடவுச்சொற்களையும் தனித்துவமான பயனர்பெயர்களையும் உருவாக்குங்கள். கூடுதல் தனியுரிமைக்காக மாற்று மின்னஞ்சல் முகவரி வழங்குநர்களுடன் ஒருங்கிணைக்கவும்.
உலகளாவிய மொழிபெயர்ப்புகள்
Crowdin மூலம் உலகளாவிய சமூகத்தினர் மொழிபெயர்த்துள்ள Bitwarden, 60-க்கும் மேற்பட்ட மொழிகளில் கிடைக்கிறது.
பல தளங்களுக்கான பயன்பாடுகள்
எந்த உலாவி, மொபைல் சாதனம் அல்லது கணினி இயக்க முறைமை உள்ளிட்டவற்றிலிருந்தும் உங்கள் Bitwarden Vault-இல் உள்ள ரகசியத் தரவைப் பாதுகாத்துப் பகிருங்கள்.
Bitwarden கடவுச்சொற்களையும் தாண்டிப் பலவற்றைப் பாதுகாக்கிறது
முனையிலிருந்து முனை வரை மறையாக்கப்பட்ட Bitwarden-இன் நற்சான்று நிர்வாகத் தீர்வுகள், மென்பொருள் உருவாக்குநர்கள் பயன்படுத்தும் ரகசியத் தகவல்கள் மற்றும் அணுகல் விசை அனுபவங்கள் உட்பட அனைத்தையும் பாதுகாக்க நிறுவனங்களுக்கு உதவுகின்றன. Bitwarden Secrets Manager மற்றும் Bitwarden Passwordless.dev பற்றி மேலும் அறிய Bitwarden.com-ஐப் பார்வையிடுங்கள்!