DeArrow - Better Titles and Thumbnails
ID
enamippconapkdmgfgjchkhakpfinmajYouTube లో క్లిక్ చేయించేలా ఆకర్షించే శీర్షికలు, సూక్ష్మచిత్రాల స్థానంలో సముదాయం సమర్పించిన వాటిని లేదా మీకు నచ్చినట్లు అమర్చగల ప్రత్యామ్నాయాలను ఉంచండి.
స్క్రీన్షాట్లు
వివరణ
సంచలనాత్మకంగా కాకుండా విషయాన్ని వివరించే శీర్షికలు, సూక్ష్మచిత్రాలను సముదాయ సహకారంతో పొందడం
DeArrow అనేది YouTube లో మెరుగైన శీర్షికలు, సూక్ష్మచిత్రాలను సముదాయ సహకారంతో పొందడానికి ఉపయోగించే బ్రౌజర్ పొడిగింపు. శీర్షికలను ఖచ్చితంగా చేసి, సంచలనాత్మకతను తగ్గించడమే DeArrow లక్ష్యం.
DeArrow ఒక చెల్లింపు బ్రౌజర్ పొడిగింపు (మీకు ఇష్టమైతేనే). అపరిమిత వినియోగానికి లైసెన్స్ కీని 1$ కి కొనుగోలు చేయవచ్చు. అయితే, మీరు చెల్లించలేకపోయినా లేదా చెల్లించకూడదనుకున్నా, "నేను చెల్లించలేను/చెల్లించాలనుకోవడం లేదు" బటన్ను క్లిక్ చేసి పొడిగింపును ఉపయోగించవచ్చు.
శీర్షికలు ఏ వచనమైనా కావచ్చు. సూక్ష్మచిత్రాలు వీడియోలో నిర్దిష్ట సమయాల్లో తీసిన స్క్రీన్షాట్లు. వీటిని వినియోగదారులు సమర్పించి, ఓటు వేస్తారు.
డిఫాల్ట్గా, సమర్పణలు ఏవీ లేకపోతే, వినియోగదారు పేర్కొన్న ఆకృతికి అసలు శీర్షికను మార్చి, యాదృచ్ఛిక సమయంలో తీసిన స్క్రీన్షాట్ను సూక్ష్మచిత్రంగా అమరుస్తుంది. ఆకృతీకరణను నిలిపివేయడానికి లేదా డిఫాల్ట్గా అసలు సూక్ష్మచిత్రాన్ని చూపించడానికి ఎంపికల్లో దీన్ని అమర్చవచ్చు.
అసలు సూక్ష్మచిత్రం నిజంగా బాగుంటే, సమర్పణ మెనూలో దానికీ ఓటు వేయవచ్చు. అప్పుడు అది కూడా ఒక సమర్పణలాగే పనిచేస్తుంది.
ఇక క్లిక్ చేయించే ఎరలు, బాణాలు లేదా చిరాకు తెప్పించే ముఖాలతో ఇబ్బంది పడాల్సిన అవసరం లేదు.
వినియోగదారులు ప్రతి వీడియోకు మెరుగైన శీర్షికలు, సూక్ష్మచిత్రాలను సమర్పించవచ్చు, వాటికి ఓటు వేయవచ్చు.
---
Clickbait Remover for YouTube నుంచి DeArrow ఎలా భిన్నంగా ఉంటుంది
- Clickbait Remover లాగా కాకుండా, సముదాయ సహకారంతో మెరుగైన శీర్షికలు, సూక్ష్మచిత్రాలను పొందడమే DeArrow ప్రధాన ఉద్దేశం.
- సముదాయం అందించిన శీర్షిక అందుబాటులో లేనప్పుడు, DeArrow మీ సెట్టింగ్ ప్రకారం దాన్ని స్వయంచాలకంగా ఆకృతీకరిస్తుంది. అయితే, Clickbait Remover కంటే మరింత సూక్ష్మంగా చేస్తుంది. అన్ని పదాలను చిన్న అక్షరాల్లోకి మార్చడం లేదా ప్రతి పదం మొదటి అక్షరాన్ని పెద్ద అక్షరంగా మార్చడం మాత్రమే కాకుండా, "Title Case" (శీర్షికలో ముఖ్యమైన పదాల తొలి అక్షరాలను పెద్ద అక్షరాలుగా రాయడం), "Sentence case" (వాక్యంలోని తొలి అక్షరాన్ని పెద్ద అక్షరంగా రాయడం) వంటి పద్ధతులను DeArrow మద్దతు ఇస్తుంది. వీటిలో కూడా సంక్షిప్త నామాలు, ప్రత్యేక నామాల్లోని పెద్ద అక్షరాలు అలాగే ఉండవచ్చు.
- సముదాయం అందించిన సూక్ష్మచిత్రం అందుబాటులో లేనప్పుడు, DeArrow డిఫాల్ట్గా వీడియోలో యాదృచ్ఛిక సమయంలో తీసిన స్క్రీన్షాట్ను చూపిస్తుంది. Clickbait Remover సూక్ష్మచిత్రాలు YouTube స్వయంచాలకంగా రూపొందించిన సూక్ష్మచిత్రాలను ఉపయోగిస్తాయి. అవి యాదృచ్ఛికంగా కనిపించినా, భావాలు పలికించే ముఖాలకు, అతిగా ఉద్దీపన కలిగించే ఇతర లక్షణాలకు ప్రాధాన్యం ఇచ్చే మెషీన్ లెర్నింగ్ అల్గోరిథమ్ వాటిని ఎంచుకుంటుంది. DeArrow తన సొంత సర్వర్ రూపొందించే నిజంగా యాదృచ్ఛిక సమయాలను ఉపయోగిస్తుంది. యాదృచ్ఛికంగా ఎంచుకున్న సూక్ష్మచిత్రం స్పాన్సర్ విభాగంలో లేదని నిర్ధారించడానికి DeArrow, SponsorBlock డేటాబేస్ను కూడా తనిఖీ చేస్తుంది.
---
సోర్స్ కోడ్: https://github.com/ajayyy/DeArrow
అనుమతులు:
youtube.com, www.youtube-nocookie.com లో మీ డేటాను యాక్సెస్ చేయడం:
- YouTube వెబ్పేజీని మార్చడానికి ఉపయోగించబడుతుంది