Pixlr Editor

Pixlr Editor అనేది మీ అన్ని ఎడిటింగ్ అవసరాలకు ఉపయోగపడే బ్రౌజర్ ఫోటో ఎడిటర్. లేయర్‌లు, ప్రభావాలతో సహా మీ చిత్రాలపై పూర్తి నియంత్రణ పొందండి. Pixlr Editor అత్యంత ప్రజాదరణ పొందిన అధునాతన ఆన్‌లైన్ ఫోటో ఎడిటర్. ఏదీ డౌన్‌లోడ్ చేయాల్సిన అవసరం లేదు, ఇది 100% ఉచితం. మీకు Gimp, PaintShop Pro లేదా Photoshop ఉపయోగించడం అలవాటైతే, ఈ ఆన్‌లైన్ ఇమేజ్ ఎడిటర్ కూడా అలవాటైనదిగానే అనిపిస్తుంది. సాధారణంగా డెస్క్‌టాప్ గ్రాఫిక్ డిజైన్ అప్లికేషన్‌లలో కనిపించే అనేక ఫీచర్‌లు ఇందులో ఉన్నాయి. నమోదు చేసుకోవాల్సిన అవసరం లేకుండానే వెంటనే ఈ సాధనాన్ని ఉపయోగించడం ప్రారంభించండి. • ఖాతా అవసరం లేదు. కావాలనుకుంటే ఉచిత నిల్వ స్థలం కోసం ఖాతాను సృష్టించండి. • ప్రత్యేకంగా ఏదీ డౌన్‌లోడ్ చేయాల్సిన లేదా ఇన్‌స్టాల్ చేయాల్సిన అవసరం లేదు. అవసరమైనప్పుడు మీ బ్రౌజర్‌లో దీన్ని తెరిస్తే చాలు. • లేయర్‌లు, హద్దు గీసి ప్రాంతాన్ని ఎంచుకునే లాసో సాధనం, బ్రష్ నియంత్రణలు, చిత్ర భాగాలను కాపీ చేయడం, ఫిల్టర్‌లు వంటి సాధనాలను అందిస్తుంది. • మీ ఫోటోలు, చిత్రాలన్నింటినీ నిల్వ చేసుకోగల వ్యక్తిగత Pixlr Library సదుపాయాన్ని కావాలనుకుంటే ఉపయోగించవచ్చు. కళ్లలో ఎరుపును తగ్గించడం, చిన్న మచ్చలను తొలగించే సాధనం, గీసే సాధనాలు, చిత్ర భాగాలను కాపీ చేసే సాధనాలు, పదునును పెంచడం, మసకబార్చడం వంటి మరెన్నో సాధనాలు ఉన్నాయి. HDR రూపాన్ని అనుకరించడం, ఆకర్షణీయమైన మెరుపు, టిల్ట్-షిఫ్ట్ ప్రభావం, గాసియన్ మసక, అంచులను చీకటిగా చేయడం, చుక్కల వంటి నాయిస్‌ను జోడించడం వంటి మరెన్నో ఫిల్టర్‌లు ఉన్నాయి. సర్దుబాట్లలో కాంతి స్థాయులు, వక్రరేఖలు, వేరే రకం ఫిల్మ్‌కు ఉద్దేశించిన రసాయనాలతో డెవలప్ చేసిన రూపం, రంగు సాంద్రతను తొలగించడం, స్వయంచాలక కాంతి స్థాయులు, రంగు ఛాయ/రంగు సాంద్రత, ప్రకాశం/వ్యత్యాసం వంటి అధునాతన అంశాలు ఉన్నాయి.