Bitwarden Password Manager
ID
nngceckbapebfimnlniiiahkandclblbپاس ورڈز اور پاس کیز کو ایک خفیہ کردہ والٹ میں محفوظ کریں اور شیئر کریں، اور مختلف آلات پر منفرد پاس ورڈز بنائیں۔
اسکرین شاٹس
تفصیل
گھر پر، کام پر یا سفر کے دوران، Bitwarden آپ کے تمام پاس ورڈز، پاس کیز اور حساس معلومات کو آسانی سے محفوظ رکھتا ہے
PCMag، WIRED، The Verge، CNET، G2 اور مزید کئی اداروں نے اسے بہترین پاس ورڈ مینیجر قرار دیا ہے!
اپنی ڈیجیٹل زندگی محفوظ بنائیں
ہر اکاؤنٹ کے لیے منفرد، مضبوط پاس ورڈز بنا کر اور محفوظ کر کے اپنی ڈیجیٹل زندگی محفوظ بنائیں اور ڈیٹا کی خلاف ورزیوں سے بچیں۔ سب کچھ ایک ایسے پاس ورڈ والٹ میں رکھیں جو سرے سے سرے تک خفیہ کردہ ہو اور جس تک صرف آپ رسائی حاصل کر سکیں۔
اپنے ڈیٹا تک کہیں بھی، کسی بھی وقت، کسی بھی آلے پر رسائی حاصل کریں
بغیر کسی پابندی کے، لامحدود آلات پر لامحدود پاس ورڈز کا آسانی سے انتظام کریں، انہیں محفوظ رکھیں، ان کی حفاظت کریں اور شیئر کریں۔
ہر شخص کے پاس آن لائن محفوظ رہنے کے ذرائع ہونے چاہئیں
Bitwarden مفت استعمال کریں، بغیر اشتہارات اور بغیر ڈیٹا کی فروخت کے۔ Bitwarden کا ماننا ہے کہ ہر شخص کو آن لائن محفوظ رہنے کے قابل ہونا چاہیے۔ پریمیم پلانز جدید خصوصیات تک رسائی فراہم کرتے ہیں۔
BITWARDEN کے ساتھ اپنی ٹیموں کو بااختیار بنائیں
Teams اور Enterprise کے پلانز کاروبار کے لیے پیشہ ورانہ خصوصیات فراہم کرتے ہیں۔ چند مثالوں میں SSO کے ساتھ انضمام، اپنے سرور پر میزبانی، ڈائریکٹری کے ساتھ انضمام اور SCIM کے ذریعے صارف اکاؤنٹس کی فراہمی، پورے ادارے پر لاگو پالیسیاں، API تک رسائی، سرگرمیوں کے لاگز اور مزید بہت کچھ شامل ہیں۔
اپنے عملے کو محفوظ رکھنے اور ساتھیوں کے ساتھ حساس معلومات شیئر کرنے کے لیے Bitwarden استعمال کریں۔
Bitwarden منتخب کرنے کی مزید وجوہات:
عالمی معیار کی خفیہ کاری
پاس ورڈز کو جدید سرے سے سرے تک خفیہ کاری (AES-256 bit، سالٹ کے ساتھ ہیشنگ، اور PBKDF2 SHA-256) سے تحفظ دیا جاتا ہے، تاکہ آپ کا ڈیٹا محفوظ اور نجی رہے۔
آزاد اداروں کے آڈٹس
Bitwarden باقاعدگی سے معروف سیکیورٹی کمپنیوں سے جامع، آزاد سیکیورٹی آڈٹس کرواتا ہے۔ ان سالانہ آڈٹس میں سورس کوڈ کا جائزہ اور Bitwarden کے IPs، سرورز اور ویب ایپلی کیشنز میں نقب لگانے کی آزمائش شامل ہوتی ہے۔
جدید دو مرحلوں والی تصدیق (2FA)
کسی دوسرے فراہم کنندہ کی تصدیقی ایپ، ای میل سے بھیجے گئے کوڈز، یا FIDO2 WebAuthn اسناد، مثلاً ہارڈویئر سیکیورٹی کی یا پاس کی، کے ذریعے اپنے لاگ اِن کو محفوظ بنائیں۔
Bitwarden Send
سرے سے سرے تک خفیہ کاری کا تحفظ برقرار رکھتے ہوئے اور ڈیٹا کے افشا ہونے کے امکانات محدود رکھتے ہوئے، ڈیٹا براہِ راست دوسروں کو بھیجیں۔
اندرونی پاس ورڈ بنانے کا آلہ
ہر اس سائٹ کے لیے جس پر آپ جاتے ہیں، لمبے، پیچیدہ اور الگ پاس ورڈز اور منفرد صارف نام بنائیں۔ مزید رازداری کے لیے متبادل ای میل پتے فراہم کرنے والی خدمات کے ساتھ انضمام کریں۔
دنیا بھر کی زبانوں میں تراجم
Bitwarden کے تراجم 60 سے زیادہ زبانوں میں دستیاب ہیں، جنہیں عالمی برادری نے Crowdin کے ذریعے ترجمہ کیا ہے۔
مختلف پلیٹ فارمز کے لیے ایپلی کیشنز
کسی بھی براؤزر، موبائل آلے، ڈیسک ٹاپ آپریٹنگ سسٹم اور مزید ذرائع سے اپنے Bitwarden Vault میں موجود حساس ڈیٹا کو محفوظ رکھیں اور شیئر کریں۔
Bitwarden صرف پاس ورڈز ہی محفوظ نہیں رکھتا
Bitwarden کے سرے سے سرے تک خفیہ کردہ اسناد کے انتظام کے حل اداروں کو ہر چیز محفوظ رکھنے کے قابل بناتے ہیں، جن میں ڈویلپرز کی خفیہ معلومات اور پاس کیز کے استعمال کے تجربات بھی شامل ہیں۔ Bitwarden Secrets Manager اور Bitwarden Passwordless.dev کے بارے میں مزید جاننے کے لیے Bitwarden.com ملاحظہ کریں!