સ્ક્રીનશૉટ

વર્ણન

ટેક્સ્ટ ટુ સ્પીચ (TTS) વડે એક ક્લિકમાં વર્તમાન વેબપેજનો લેખ મોટેથી વંચાવો. 40થી વધુ ભાષાઓને સમર્થન આપે છે. Read Aloud વેબપેજના લખાણને ઑડિયોમાં ફેરવવા માટે ટેક્સ્ટ ટુ સ્પીચ (TTS) ટેક્નોલોજીનો ઉપયોગ કરે છે. તે સમાચારની સાઇટો, બ્લોગ, ચાહકોએ લખેલી કાલ્પનિક વાર્તાઓ, પ્રકાશનો, પાઠ્યપુસ્તકો તથા શાળા અને અભ્યાસક્રમની સામગ્રી સહિત વિવિધ વેબસાઇટો પર કામ કરે છે. Read Aloud એવા વપરાશકર્તાઓને મદદ કરે છે જેઓ સામગ્રી વાંચવાને બદલે સાંભળવાનું પસંદ કરે છે, જેમાં વાંચતાં શીખી રહેલાં બાળકો અને ડિસ્લેક્સિયા અથવા શીખવામાં અન્ય અક્ષમતાઓ ધરાવતા લોકોનો સમાવેશ થાય છે. Read Aloud તમને લખાણને અવાજમાં વાંચી સંભળાવતા વિવિધ અવાજોમાંથી પસંદગી કરવા દે છે, જેમાં બ્રાઉઝર દ્વારા પૂરા પાડવામાં આવતા મૂળભૂત અવાજો અને Google Wavenet, Amazon Polly, IBM Watson, Microsoft Azure તથા OpenAI જેવા ક્લાઉડ પ્રદાતાઓના AI અવાજોનો સમાવેશ થાય છે. ક્લાઉડ આધારિત અવાજોનો ઉપયોગ શરૂ કરવા માટે ઍપમાં વધારાની ખરીદી કરવાની અથવા તમારી પોતાની API કી આપવાની જરૂર પડી શકે છે. Read Aloud PDF, Google Docs, Google Playનાં પુસ્તકો, Amazon Kindle અને EPUB વાંચી શકે છે (epubread.comના ઉત્તમ EPUBReader એક્સ્ટેન્શન દ્વારા). Read Aloudનો ઉપયોગ કરવા માટે, તમે જે વેબપેજ વંચાવવા માંગો છો તે ખોલો, પછી બ્રાઉઝરના મેનૂમાં Read Aloudના આઇકન પર ક્લિક કરો. એક્સ્ટેન્શન સક્રિય કરવા માટે તમે ALT-P, ALT-O, ALT-Comma અને ALT-Period શૉર્ટકટ કીનો પણ ઉપયોગ કરી શકો છો. જો કોઈ લખાણ પસંદ કરેલું હોય, તો Read Aloud ફક્ત પસંદ કરેલું લખાણ જ વાંચશે. આ ઉપરાંત, તમે પસંદ કરેલા લખાણ પર જમણું ક્લિક કરીને સંદર્ભ મેનૂમાંથી Read Aloud શરૂ કરી શકો છો. અવાજ, વાંચવાની ઝડપ અથવા અવાજની ઊંચાઈ બદલવા કે લખાણ હાઇલાઇટ કરવાનું ચાલુ કરવા માટે, એક્સ્ટેન્શનના પૉપઅપમાં ગિયર આકારના બટન દ્વારા વિકલ્પો પૃષ્ઠ પર જાઓ (ગિયર આકારનું બટન જોવા માટે તમારે પ્લેબૅક બંધ કરવું પડશે). તમે એક્સ્ટેન્શનના આઇકન પર જમણું ક્લિક કરીને સંદર્ભ મેનૂમાંથી પણ વિકલ્પો પૃષ્ઠ ખોલી શકો છો. એક્સ્ટેન્શનના પૉપઅપમાં પૉપઅપ વિન્ડોનું કદ અને અક્ષરોનું કદ વધારવા કે ઘટાડવા તથા ડાર્ક મોડ ચાલુ કે બંધ કરવા માટે બટનો છે. Read Aloud એક ઓપન સોર્સ પ્રોજેક્ટ છે. જો તમે ખામીઓ સુધારવામાં અથવા અનુવાદોમાં યોગદાન આપવા માંગતા હો, તો https://github.com/ken107/read-aloud પર GitHub પૃષ્ઠની મુલાકાત લો