SEO Analysis & Website Review by WooRank
ID
hlngmmdolgbdnnimbmblfhhndibdipafનોંધણી કર્યા વિના વર્તમાન વેબસાઇટના SEO, ઉપયોગની સરળતા, બૅકલિંક્સ અને ટ્રાફિકનું એક અહેવાલમાં વિશ્લેષણ કરો.
સ્ક્રીનશૉટ
વર્ણન
SEO, મોબાઇલ, ઉપયોગની સરળતા અને સોશિયલ મીડિયા માટે તાત્કાલિક SEO વિશ્લેષણ અને વેબસાઇટ સમીક્ષાઓ. તમને જ્યારે અને જ્યાં જોઈએ ત્યાં સૌથી તાજો ડેટા.
SEO Analysis and Website Review by WooRank એ મફત Chrome એક્સ્ટેન્શન છે, જે વેબસાઇટ કેટલા પ્રમાણમાં ઑપ્ટિમાઇઝ થયેલી છે તેનું સંપૂર્ણ ચિત્ર આપવા માટે ડોમેનના સાઇટની અંદરના અને બહારના ડેટાની તાત્કાલિક ઊંડાણપૂર્વક સમીક્ષા આપે છે.
SEO Analysis and Website Review એક્સ્ટેન્શન તમે તમારા બ્રાઉઝરમાં હાલમાં જોઈ રહ્યા છો તે વેબસાઇટનું વિશ્લેષણ કરશે અને સ્પષ્ટ, જેના આધારે પગલાં લઈ શકાય એવો અહેવાલ બનાવશે. તે સમીક્ષા કરેલી સાઇટની સુલભતા, વાંચવાની સરળતા, ઉપયોગની સરળતા અને શોધી શકવાની ક્ષમતાને અસર કરતી સમસ્યાઓને દર્શાવશે.
એક્સ્ટેન્શનમાં ઉપલબ્ધ WooRank ડેટા તમને તમારી પોતાની વેબસાઇટના માર્કેટિંગની કામગીરી સુધારવામાં મદદ કરશે. તમે પ્રતિસ્પર્ધીની બૅકલિંક્સ જોવા અથવા સંભવિત ગ્રાહક તેની સાઇટ પર કઈ ટેક્નોલોજી વાપરે છે તે જાણવા અન્યની વેબસાઇટની પણ સમીક્ષા કરી શકો છો.
એક્સ્ટેન્શન જે ડેટાનું વિશ્લેષણ કરે છે તેમાં આ સામેલ છે:
- સર્ચ એન્જિન ઑપ્ટિમાઇઝેશન
- સંરચિત ડેટા
- મોબાઇલ માટે અનુકૂળતા
- ઉપયોગની સરળતા
- વેબસાઇટ ટેક્નોલોજીઓ
- બૅકલિંક્સ
- સોશિયલ મીડિયા
- વેબસાઇટ ટ્રાફિક
તમે તમારી વેબસાઇટના SEO વિશ્લેષણમાં ડેટા રિફ્રેશ કરી શકો છો, જેથી તમારી વેબસાઇટ સમીક્ષાઓ હંમેશાં સચોટ, અદ્યતન અને સૌથી તાજા ડેટા પર આધારિત રહે.
WooRank એક્સ્ટેન્શનનું વિશ્લેષણ આ લોકો માટે આદર્શ છે:
- પોતાની સાઇટ સુધારવા માગતા વેબસાઇટ માલિકો
- ઝુંબેશ માટે સાઇટ ઑપ્ટિમાઇઝ કરતા કંપનીના આંતરિક માર્કેટિંગ કર્મચારીઓ
- ગ્રાહકોની સાઇટ પર કામ કરતા ફ્રીલાન્સરો અને એજન્સીઓ
- વેચાણ પ્રસ્તાવ માટે સંભવિત ગ્રાહકની વેબસાઇટ વિશે વધુ જાણવા માગતી વેચાણ ટીમો
- પ્રતિસ્પર્ધીઓ પર સંશોધન કરતી કોઈપણ વ્યક્તિ
- પોતાનું કામ ચકાસવા માગતા ડેવલપરો
એક્સ્ટેન્શન કોઈપણ વ્યક્તિ મફતમાં વાપરી શકે છે. ખાતાની નોંધણી, સક્રિયકરણ કે પરવાનગીઓની જરૂર નથી.
WooRank તમારી ગોપનીયતાને ગંભીરતાથી લે છે. તમે એક્સ્ટેન્શન પર ક્લિક કરો તે ક્ષણે તમારા બ્રાઉઝરમાં જોઈ રહ્યા હો તે વેબસાઇટના URL સિવાય તે અન્ય કોઈ ડેટા જોતું નથી. WooRankનું SEO Analysis and Website Review એક્સ્ટેન્શન વપરાશકર્તાઓની જાસૂસી કરીને ઉપયોગ કે બ્રાઉઝર ઇતિહાસનો કોઈ ડેટા એકત્ર કરતું નથી, કે વેબ પર તેમની હિલચાલને ટ્રૅક કરતું નથી.
અને WooRank માત્ર વેબસાઇટો વાંચે છે, તેથી એક્સ્ટેન્શન વેબસાઇટમાં કોઈ બેજ, આઇકન, બૅનર કે બીજું કંઈ ઉમેરી શકતું નથી. તેથી કોઈના લોડ થવાના સમય પર અસર થતી નથી.
WooRankનું SEO Analysis and Website Review એક્સ્ટેન્શન કેવી રીતે ઇન્સ્ટોલ કરવું અને વાપરવું:
એક્સ્ટેન્શન ઇન્સ્ટોલ કરવું અને વાપરવું ખૂબ જ ઝડપી અને સરળ છે. Chrome Web Storeમાં ઉપર જમણા ખૂણે “Chromeમાં ઉમેરો” બટન પર ક્લિક કરો અને પછી દેખાતા “એક્સ્ટેન્શન ઉમેરો” બટન પર ક્લિક કરો.
એક્સ્ટેન્શનથી વેબસાઇટનું વિશ્લેષણ કરવા તમારા બ્રાઉઝરમાં WooRank આઇકન પર ક્લિક કરો. જો અમે અગાઉ વેબસાઇટની સમીક્ષા કરી હોય તો તમને તરત જ ડોમેનનો ડેટા મળશે. જો અમે આ ડોમેન પહેલાં જોયું ન હોય તો દેખાતા “મફત સમીક્ષા” બટન પર ક્લિક કરો. તમારો અહેવાલ થોડી જ સેકન્ડોમાં ઉપલબ્ધ થશે.