സ്ക്രീൻഷോട്ടുകൾ

വിവരണം

ലോകമെമ്പാടുമുള്ള പരീക്ഷാർഥികൾക്ക് പരീക്ഷകളിൽ പങ്കെടുക്കാനുള്ള സൗകര്യം വർധിപ്പിക്കാൻ സൃഷ്ടിച്ച ഉപകരണമാണ് Secure Exam Proctor. പരീക്ഷകളിൽ പങ്കെടുക്കാനുള്ള സൗകര്യം ഒരുക്കാൻ സൃഷ്ടിച്ച ഉപകരണമാണ് Proctorio. നിങ്ങളുടെ ഓൺലൈൻ ബിരുദത്തിന്റെ/സർട്ടിഫിക്കേഷനുകളുടെ മൂല്യം സംരക്ഷിച്ചുകൊണ്ട് വിദൂരമായി പരീക്ഷ എഴുതാൻ ഇത് നിങ്ങളെ പ്രാപ്തരാക്കുന്നു; സാമ്പത്തിക സഹായവുമായി ബന്ധപ്പെട്ട തട്ടിപ്പ് തടയാനും സഹായിക്കുന്നു. നിങ്ങളുടെ മൂല്യനിർണയങ്ങളിൽ Proctorio ഉപയോഗിക്കുമ്പോൾ ഓർക്കേണ്ട ചില പ്രധാന കാര്യങ്ങൾ ഇതാ: 1. ഇവിടെ ആരും നിങ്ങളെ നിരീക്ഷിച്ചുകൊണ്ടിരിക്കില്ല - എല്ലാവർക്കും തുല്യ അവസരം നൽകുന്ന ഒരു സ്വയമേവ പ്രവർത്തിക്കുന്ന സംവിധാനം ഉപയോഗിച്ച് Proctorio മനുഷ്യരുടെ പക്ഷപാതം ഒഴിവാക്കുന്നു. നിങ്ങളുടെ മൂല്യനിർണയത്തിനിടെ ശേഖരിക്കുന്ന വിവരങ്ങൾ നിങ്ങളുടെ സ്ഥാപനത്തിലെ അംഗീകൃത വ്യക്തികൾക്ക് മാത്രമേ കാണാനാകൂ—ഞങ്ങൾക്ക് കാണാനാകില്ല. 2. നിങ്ങളുടെ വിവരങ്ങൾ പൂർണമായും സുരക്ഷിതമാണ് - നിങ്ങളുടെ മൂല്യനിർണയത്തിനിടെ ശേഖരിക്കുന്ന ഏതൊരു വിവരവും നിങ്ങളുടെ കമ്പ്യൂട്ടറിൽനിന്ന് പുറത്തുപോകുന്നതിനു മുമ്പ് 256 ബിറ്റ് AES എൻക്രിപ്ഷൻ ഉപയോഗിച്ച് എൻക്രിപ്റ്റ് ചെയ്യുന്നു. Proctorio ബ്രൗസറിനുള്ളിൽ മാത്രമാണ് പ്രവർത്തിക്കുന്നതെന്നും നിങ്ങളുടെ പ്രാദേശിക കമ്പ്യൂട്ടറിലേക്ക് പ്രവേശനമില്ലെന്നും ഓർക്കുക. 3. വ്യക്തിഗത വിവരങ്ങളൊന്നും വിൽക്കുന്നില്ല - ഞങ്ങളുടെ സ്വകാര്യതാ രൂപകൽപ്പന കാരണം നിങ്ങളുടെ ഡാറ്റ ഞങ്ങൾക്ക് കാണാൻപോലും കഴിയില്ല. മൂന്നാം കക്ഷികൾക്ക് വിൽക്കാൻ ഞങ്ങളുടെ പക്കൽ ഒന്നുമില്ല. നിങ്ങളുടെ Chrome ബ്രൗസറിന് താഴെ പറയുന്ന അനുമതികൾ ആവശ്യമായി വന്നേക്കാം. പൂർണ സുതാര്യതയ്ക്കായി, അവ ഉപയോഗിക്കേണ്ടതിന്റെ കാരണങ്ങൾ ഇതാ: നിങ്ങൾ സന്ദർശിക്കുന്ന വെബ്സൈറ്റുകളിലെ നിങ്ങളുടെ എല്ലാ ഡാറ്റയും വായിക്കുകയും മാറ്റുകയും ചെയ്യുക - കേൾക്കുമ്പോൾ തോന്നുന്നത്ര ഭയപ്പെടേണ്ട കാര്യമല്ല ഇത്… ഈ അനുമതി ഉള്ളതുകൊണ്ട് നിങ്ങൾ സന്ദർശിക്കുന്ന വെബ്സൈറ്റുകളിൽനിന്ന് എക്സ്റ്റൻഷൻ എന്തെങ്കിലും വായിക്കുകയോ മാറ്റുകയോ ചെയ്യുമെന്ന് അർഥമില്ല. പരീക്ഷയ്ക്കിടെ ടാബുകൾ റെക്കോർഡ് ചെയ്യാൻ എക്സ്റ്റൻഷൻ ഉപയോഗിക്കുന്ന Chrome tab capture API ആണ് ഈ അനുമതി അഭ്യർഥനയ്ക്ക് കാരണമാകുന്നത്. ടാബ് റെക്കോർഡിങ് വേണമോ എന്ന് പരീക്ഷാ നടത്തിപ്പുകാർക്ക് തീരുമാനിക്കാം; Proctorio അത് നിർബന്ധിക്കുന്നില്ല. പരീക്ഷ കണ്ടെത്താൻ എക്സ്റ്റൻഷനെ അനുവദിക്കുന്ന <all_urls> പ്രഖ്യാപനവും ഈ സന്ദേശത്തിന് കാരണമാകുന്നു. Proctorio ഈ അനുമതി ആവശ്യപ്പെട്ടില്ലെങ്കിൽ, ഓരോ സ്ഥാപനത്തിനും വ്യത്യസ്ത എക്സ്റ്റൻഷൻ വേണ്ടിവരും, അല്ലെങ്കിൽ പുതിയൊരു ഉപഭോക്താവ് Proctorio ഉപയോഗിക്കാൻ ആഗ്രഹിക്കുമ്പോഴെല്ലാം Proctorio അനുമതി അപ്ഡേറ്റുകൾ പുറത്തിറക്കേണ്ടിവരും. ഈ രണ്ടു മാർഗങ്ങളും കാര്യങ്ങൾ കൂടുതൽ സങ്കീർണമാക്കുകയും ആശയക്കുഴപ്പം വർധിപ്പിക്കുകയും ചെയ്യും. സാമ്പത്തികവും പണമടയ്ക്കലുമായി ബന്ധപ്പെട്ടതുമായ വിവരങ്ങൾ - Proctorio പരീക്ഷാർഥികളിൽനിന്ന് സാമ്പത്തിക വിവരങ്ങളോ പണമടയ്ക്കൽ വിവരങ്ങളോ നേരിട്ട് ശേഖരിക്കുന്നില്ല. പരീക്ഷകൾക്ക് പണം അടയ്ക്കേണ്ട പരീക്ഷാർഥികളുടെ പണമടയ്ക്കൽ ഞങ്ങളുടെ മൂന്നാം കക്ഷി പേയ്മെന്റ് സേവനദാതാവിന് കൈകാര്യം ചെയ്യാൻ അനുവദിക്കുന്നതിന് മാത്രമാണ് ഈ അനുമതി ആവശ്യമായത്. നിങ്ങളുടെ സ്ക്രീനിലെ ഉള്ളടക്കം പകർത്തുക - ചില പരീക്ഷകൾക്ക് ഡെസ്ക്ടോപ്പ് റെക്കോർഡിങ് ആവശ്യമാണ്. നിങ്ങളുടെ പരീക്ഷാ നടത്തിപ്പുകാരും/അല്ലെങ്കിൽ സ്ഥാപനവും മാത്രമാണ് ഇത് നിശ്ചയിക്കുന്നത്. രഹസ്യസ്വഭാവമുള്ള വിവരങ്ങൾ മനഃപൂർവം മറയ്ക്കുന്ന ഒരു സാങ്കേതിക രീതി ഉപയോഗിച്ച് പരീക്ഷയ്ക്കിടെ നിങ്ങളുടെ സ്ക്രീൻ പകർത്താൻ ഈ അനുമതി Proctorio-യെ അനുവദിക്കുന്നു. വേഗത്തിലും ഫലപ്രദമായും സാങ്കേതിക സഹായം നൽകാൻ Proctorio സഹായവിഭാഗത്തിനും ഇത് ഉപയോഗിക്കാം. സ്ക്രീൻ റെക്കോർഡിങ് സ്വയമേവ ആരംഭിക്കാനാകില്ല. സ്ക്രീൻ പങ്കിടുന്നതിനുള്ള അനുമതി രണ്ടാമതും ചോദിച്ചുകൊണ്ട് Google Chrome നിങ്ങൾക്ക് മറ്റൊരു സംരക്ഷണതലം നൽകുന്നു. സ്ക്രീൻ പങ്കിടൽ ആവശ്യമായി വരുന്ന ഓരോ തവണയും ഇത് സംഭവിക്കും. സ്ക്രീൻ പകർത്തുന്നത് എപ്പോഴാണെന്ന് നിങ്ങൾക്ക് എല്ലായ്പ്പോഴും അറിയാൻ Google Chrome നിങ്ങളുടെ സ്ക്രീനിന്റെ അടിഭാഗത്ത് സന്ദേശങ്ങളും കാണിക്കുന്നു. നിങ്ങൾക്ക് എപ്പോൾ വേണമെങ്കിലും സ്ക്രീൻ റെക്കോർഡിങ് സ്വയം അവസാനിപ്പിക്കാം. പരീക്ഷ സമർപ്പിച്ചുകഴിഞ്ഞാൽ, Proctorio എല്ലായ്പ്പോഴും സ്ക്രീൻ പകർത്തൽ സ്വയമേവ അവസാനിപ്പിക്കും. നിങ്ങളുടെ ഡൗൺലോഡുകൾ നിയന്ത്രിക്കുക - പരീക്ഷയ്ക്കിടെ ഫയലുകൾ ഡൗൺലോഡ് ചെയ്യാനുള്ള നിങ്ങളുടെ സൗകര്യം പരീക്ഷാ നടത്തിപ്പുകാർ പ്രവർത്തനരഹിതമാക്കിയിട്ടുണ്ടെങ്കിൽ, അതിനായി Proctorio ഈ അനുമതി ഉപയോഗിക്കും. പരീക്ഷയ്ക്കിടെയല്ലാതെ Proctorio നിങ്ങളുടെ ഡൗൺലോഡുകൾ നിരീക്ഷിക്കില്ല. പരീക്ഷയ്ക്കിടെ പരീക്ഷാർഥികൾ എന്തെങ്കിലും ഡൗൺലോഡ് ചെയ്യുന്നത് തടയാൻ മാത്രമാണ് Proctorio ഈ അനുമതി ഉപയോഗിക്കുന്നത്. പരീക്ഷയിലെ മറ്റെല്ലാ നിയന്ത്രണ ക്രമീകരണങ്ങളെയും പോലെ, പരീക്ഷാ നടത്തിപ്പുകാർ ഇത് പ്രവർത്തനക്ഷമമാക്കിയിട്ടുണ്ടെങ്കിൽ മാത്രമേ ഇത് ബാധകമാകൂ—അല്ലാത്തപക്ഷം എക്സ്റ്റൻഷൻ ഒരിക്കലും നിങ്ങളുടെ ഡൗൺലോഡുകൾ നിയന്ത്രിക്കില്ല. നിങ്ങളുടെ ആപ്പുകളും എക്സ്റ്റൻഷനുകളും തീമുകളും നിയന്ത്രിക്കുക - ചിലപ്പോൾ മറ്റൊരു ആപ്പോ എക്സ്റ്റൻഷനോ Proctorio-യുടെ പ്രവർത്തനവുമായി പൊരുത്തക്കേടുകൾ ഉണ്ടാക്കിയേക്കാം. ഇത്തരം പ്രശ്നങ്ങൾ കണ്ടെത്താൻ, ഇൻസ്റ്റാൾ ചെയ്തിട്ടുള്ള മറ്റ് എക്സ്റ്റൻഷനുകൾ ഏതൊക്കെയാണെന്ന് കാണാൻ ഈ അനുമതി Proctorio-യെ അനുവദിക്കുന്നു. Proctorio ഒരിക്കലും നിങ്ങളുടെ തീം ഇൻസ്റ്റാൾ ചെയ്യുകയോ ഡൗൺലോഡ് ചെയ്യുകയോ മാറ്റുകയോ ചെയ്യില്ല. Chromevox സ്വയമേവ പ്രവർത്തനക്ഷമമാക്കാനും പ്രവർത്തനരഹിതമാക്കാനും Proctorio ഈ അനുമതി ഉപയോഗിക്കുന്നു (ആവശ്യമായപ്പോൾ ADA പരീക്ഷാർഥികൾക്കായി). അവസാനമായി, പരീക്ഷാ നടത്തിപ്പുകാർ അതിനുള്ള നിയന്ത്രണ ക്രമീകരണം തിരഞ്ഞെടുത്തിട്ടുണ്ടെങ്കിൽ, പരീക്ഷയ്ക്കിടെ എക്സ്റ്റൻഷനുകളോ ആപ്പുകളോ താൽക്കാലികമായി പ്രവർത്തനരഹിതമാക്കാൻ ഈ അനുമതി എക്സ്റ്റൻഷനെ അനുവദിക്കുന്നു. അറിയിപ്പുകൾ പ്രദർശിപ്പിക്കുക - നിങ്ങൾ പരീക്ഷ എഴുതുമ്പോൾ പ്രധാനപ്പെട്ട അറിയിപ്പുകൾ പ്രദർശിപ്പിക്കാൻ മാത്രമാണ് ഈ അനുമതി Proctorio-യെ അനുവദിക്കുന്നത്. നിങ്ങൾ പകർത്തി ഒട്ടിക്കുന്ന ഡാറ്റ മാറ്റുക - പരീക്ഷയ്ക്കിടെ പകർത്താനും ഒട്ടിക്കാനുമുള്ള സൗകര്യം പരീക്ഷാ നടത്തിപ്പുകാർ പ്രവർത്തനരഹിതമാക്കിയിട്ടുണ്ടെങ്കിൽ, നിങ്ങളുടെ ക്ലിപ്പ്ബോർഡ് മായ്ക്കാൻ Proctorio ഈ അനുമതി ഉപയോഗിക്കും. മറ്റ് സംവിധാനങ്ങളിൽനിന്ന് വ്യത്യസ്തമായി, നിങ്ങളുടെ ക്ലിപ്പ്ബോർഡിലെ ഉള്ളടക്കം Proctorio-യ്ക്ക് കാണാൻ കഴിയില്ല. മേൽനോട്ടത്തിലുള്ള ഒരു പരീക്ഷ എഴുതുമ്പോൾ മാത്രമാണ് ഈ അനുമതികൾ ആവശ്യമായത്; പരീക്ഷയ്ക്ക് പുറത്ത് പകർത്താനും ഒട്ടിക്കാനുമുള്ള നിങ്ങളുടെ സൗകര്യത്തെ ഇവ ബാധിക്കില്ല. സംഭരണ ഉപകരണങ്ങൾ തിരിച്ചറിയുകയും പുറത്തെടുക്കുകയും ചെയ്യുക - വിഷമിക്കേണ്ട. നിങ്ങളുടെ സംഭരണ ഉപകരണങ്ങളൊന്നും ഞങ്ങൾ പുറത്തെടുക്കില്ല. നിങ്ങളുടെ കമ്പ്യൂട്ടർ സിസ്റ്റം ആവശ്യകതകൾ പാലിക്കുന്നുണ്ടോ എന്ന് നിർണയിക്കാൻ അതിന്റെ വിഭവങ്ങൾ പരിശോധിക്കാൻ ഈ അനുമതി Proctorio-യെ അനുവദിക്കുന്നു. പരീക്ഷയ്ക്ക് മുമ്പോ പരീക്ഷയ്ക്കിടെയോ നിങ്ങൾക്ക് ഒരു പ്രശ്നം നേരിട്ടാൽ, കൂടുതൽ നന്നായി സഹായം നൽകാൻ ഈ വിവരങ്ങൾ ഞങ്ങളെ സഹായിക്കും. നിങ്ങളുടെ സ്വകാര്യതയുമായി ബന്ധപ്പെട്ട ക്രമീകരണങ്ങൾ മാറ്റുക - വീണ്ടും പറയട്ടെ, കേൾക്കുമ്പോൾ തോന്നുന്നത്ര ഭയപ്പെടേണ്ട കാര്യമല്ല ഇത്. നിങ്ങളുടെ Chrome ബ്രൗസറിലെ സ്വകാര്യതാ ക്രമീകരണങ്ങളിൽ മൂന്നാം കക്ഷി കുക്കികൾ പ്രവർത്തനരഹിതമാക്കാം. പരീക്ഷയിൽ പ്രവേശിക്കുന്നതിനുമുമ്പ് നിങ്ങൾക്ക് എന്തെങ്കിലും പ്രശ്നമുണ്ടായാൽ, സഹായത്തിനായി ഞങ്ങൾക്ക് ചാറ്റിലൂടെ നിങ്ങളെ സമീപിക്കാൻ കഴിയുന്നവിധം മുൻകൈയെടുത്തുള്ള ചാറ്റ് പിന്തുണ നൽകാൻ Proctorio, Olark (https://www.olark.com/) ഉപയോഗിക്കുന്നു. മൂന്നാം കക്ഷി കുക്കികൾ പ്രവർത്തനക്ഷമമായിരിക്കണമെന്ന് Olark ആവശ്യപ്പെടുന്നു (https://www.olark.com/help/cookies); അതുകൊണ്ടാണ് ഞങ്ങൾക്ക് ഈ അനുമതി വേണ്ടത്. --------------------------------------------------------------------------------------------------------------- ഒറ്റ ഉദ്ദേശ്യ നയം: ഓൺലൈൻ പരീക്ഷകൾ സുരക്ഷിതമാക്കാൻ ബ്രൗസർ ഉപയോഗിക്കുക https://proctorio.com/privacy https://proctorio.com/policies https://proctorio.com/privacy/audits https://proctorio.com/privacy/compliance https://proctorio.com/privacy/data-security